વોશિંગ્ટન, 23 ફેબ્રુ
અમેરીકામાં અબ્રાહમ લિંકન ઈસ 1865માં ગુલામીપ્રથા રદ કરતો કાયદો અમલમાં લાવ્યા હતા. અમેરીકામાંથી ગુલામી પ્રથાને દૂર કરવાનો શ્રેય લિંકનને જાય છે. પરંતુ આટલા વર્ષો બાદ પણ આ કાયદો અમેરીકામાં બધા રાજ્યોમાં લાગુ નહોતો. અમેરીકાના મિસીસીપી રાજ્યમાં આ કાયદો અત્યાર સુધી અમલમાં જ નહોતો. પરંતુ આ કાયદાને સરકારી ચોપડે કાયદેસર નોંધ કરાવી એક બિનનિવાસી ભારતીયે.
કોલકાતામાં જન્મેલા એનઆરઆઈ રંજન બત્રાને તાજેતરમાં જ રીલીઝ થયેલી લિંકન ફિલ્મ દ્વારા જાણવા મળ્યું કે ગુલામી પ્રથાનો કાયદો મિસીસીપીમાં સરકારી ચોપડે નોંધાયો જ નથી. આ પછી તેમણે એક ચળવળ ઉપાડી, અને તેમના સઘન પ્રયત્નોથી દોઢસોએક વર્ષ પછી સરકારી રેકર્ડમાં સ્થાન મળ્યું છે.
અમેરીકાની આ ઐતિહાસિક ક્ષણનો ભાગ બનવા તેઓ કોવો અનુભવ કરી રહ્યા છે એના જવાબમાં તેમણે કહ્યું કે ‘મારો તો એક નાનો રોલ હતો. પરંતુ ખાસ વાત એ છે કે મિસીસીપી હવે આ મુદ્દે ઉપર આવી રહ્યું છે અને વંશીય ભેદભાવ જેવા અંધકારમય અતિતને પાછળ છોડી રહ્યું છે.’