લોધિકા, તા.૩:
લોધિકા તાલુકાની ગ્રામ પંચાયતોની ચૂંટણીમાં ભાજપ પ્રેરીત પેનલોનો વિજય થયો છે. તાલુકાની ૩૬ ગ્રામ પંચાયત પૈકી ૨૦ સમરસ થઈ હતી તેમાં ૧૮ ભાજપ પ્રેરીત હતી. બાકીની ૧૬ ગ્રામ પંચાયતની ચૂંટણી યોજાતા ૧૧ ગ્રામ પંચાયતોમાં ભાજપ પ્રેરીત પેનલોનો વિજય થયો હતો. લોધિકા ગ્રામ પંચાયતની ચૂંટણીમાં ત્રિપાંખીયા જંગમાં ભાજપ પ્રેરીત પેનલના હંસાબેન સખીયા ૮૫૪ મતની જંગી લીડથી ચૂંટાઈ આવ્યા હતાં અને તેમની પેનલના ૧૧ માંથી ૧૦ સભ્યો ચૂંટાઈ આવ્યા હતાં. ગ્રામ્ય પંથકમાં ભાજપના વિજય માટે તાલુકા પંચાયતના પ્રમુખ ભરતસિંહ જાડેજા, જિ.પં.ના સભ્ય મનસુખભાઈ સરધારા, લોધિકા ભાજપના અગ્રણી પરબતભાઈ ભુત, રોશનભાઈ થોભાણી, લક્ષ્મણસિંહ જાડેજા, હકુભાઈ પરમાર વગેરેની જહેમત ફળી હતી.