ચેન્નાઈ 8, જાન્યુઆરી
મહેશ ભૂપતિ અને રોહન બોપન્નાની ભારતીય જોડીનો ચેન્નાઈ ઓપનની સેમિફાઈનલમાં પરાજય થતાં પડકારનો અંત આવ્યો છે. સેમિફાઈનલમાં ભૂપતિ અને બોપન્નાની જોડીનો ચોથી ક્રમાંકિત ઈઝરાયેલના જોનાથન ઈરલિચ અને એન્ડી રામની જોડી સામે ૪-૬, ૬-૩, ૧૦-૮થી પરાજયનો સામનો કરવો પડયો હતો. પ્રથમ સેટ જીતીને ભારતીય જોડીએ શાનદાર શરૂઆત કરી હતી પણ બીજા સેટમાં સાતત્ય જાળવી ન શકતા ગુમાવવાનો વારો આવ્યો હતો. મુકાબલો એક-એકથી બરાબરી પર હતો ત્યારે ત્રીજો સેટ રોમાંચક બન્યો હતો અને ટાઈબ્રેકરમાં ભારતીય જોડીનો પરાજય થયો હતો. ગયા વર્ષે પેસ સાથે જોડી બનાવનાર ભૂપતિએ આ વર્ષે બોપન્ના સાથે જોડી બનાવી હતી.