મહેસાણા, તા.૧૭
મહેસાણાના કટોસણ (ધનપુરા) ગામમાં પતંગ ચગાવવાની તકરારમાં બે જૂથો વચ્ચે ધિંગાણું ખેલાયું હતું. આ અંગેની બન્ને પક્ષોએ સાંથલ પોલીસ મથકે સામસામે ફરિયાદ નોંધાવી હતી.
· બન્ને પક્ષો સામે પોલીસ ફરિયાદ નોંધાવી
કટોસણ (ધનપુરા)માં રહેતા રણમલસીંહ વિનયસીંહ ઝાલા તથા ચેહુભા શીવુભા ઝાલાનાં પરિવારનાં સભ્યો રવિવારના રોજ પતંગ ચગાવી રહ્યા હતા. તે સમયે ચેહુભા ઝાલાનો પતંગ કપાઈ જતાં તેઓ ઉશ્કેરાઈ ગયા હતા અને ગેરકાયદેસર મંડળી રચી મહેન્દ્રસીંહ કુંવરસીંહ ઝાલા, ધર્મેન્દ્રસીંહ સતુભા ઝાલા, સંજુભા મહેન્દ્રસીંહ ઝાલા, શીવુભા નટવરસીંહ ઝાલા સહિતના શખ્સો ધારિયા જેવા હથિયારો ધારણ કરી રણમલસીંહ પર હુમલો કર્યો હતો.જેમાં સામે પક્ષે વિપુલસીંહ દશરથસીંહ ઝાલા, રણમલસીંહ ઉર્ફે રણુભા વિનુભા ઝાલા, માલભા હરખુભા ઝાલા, દશરથસીંહ ચતુરસીંહ ઝાલા, રાજુભા હરખુભા ઝાલાએ ભેગા મળી ધારિયા, છરી જેવા હથિયારો ધારણ કરી હુમલો કર્યો હતો. આ ધિંગાણામાં ઈજાગ્રસ્ત થયેલા શખ્સોને હોસ્પીટલમાં સારવાર અર્થે ખસેડાયા હતા.ઉક્ત બાબતની સોમવારના રોજ સાંથલ પોલીસ મથકે સામસામે ફરિયાદ નોંધાવા પામી હતી. પોલીસે બન્ને પક્ષના ૧૦ શખસો સામે ગુન્હો નોંધી તપાસ આરંભી હતી.