સ્વપ્ન થયું હતું સાકાર....

અમદાવાદ 1, એપ્રિલ

તારીખ : ૨ એપ્રિલ ૨૦૧૧. સ્થળ : વાનખેડે સ્ટેડિયમ, મુંબઈ. શ્રીલંકાનો નુવાન કુલાસેકરા બોલિંગમાં છે અને ભારતને જીતવા ૧૧ બોલમાં ૪ રનની જરૃર. મહેન્દ્રસિંહ ધોનીએ લોંગઓન ઉપર સિક્સર, જેની સાથે જ દેશના કરોડો ક્રિકેટપ્રેમીઓના ચહેરા ઉપર ચક્રવર્તી બનેલા રાજા જેવું સ્મિત અને આંખમાં હરખનાં આંસુ હતાં. ભારતીય ટીમે દેશને ક્રિકેટ વર્લ્ડકપ અપાવ્યો તે યાદગાર પ્રસંગને આજે એક વર્ષ થયું છે. મહેન્દ્રસિંહ ધોનીએ વર્લ્ડકપ ઊંચક્યો એ સાથે જ દેશના ક્રિકેટપ્રેમીઓએ પૂરી રાત જશ્ન મનાવ્યો હતો. અપરિચિત હોય તેને ભેટીને પણ આપણે વિજયની ઉજવણી કરી હતી. ભારત વર્લ્ડકપ જીતે એ માટે કેટલાકે તો બાધા માની હતી તો કેટલાક આપણી ટીમ ચેમ્પિયન બની તો મીઠાઇ વેચવા નીકળી પડયા હતા. ભારતમાં જાણે એ દિવસે દિવાળી, ઇદ, ક્રિસમસની એક સાથે ઉજવણી થઇ. મોટેરા ખાતે ક્વાર્ટર ફાઇનલમાં ઓસ્ટ્રેલિયાની સામે વિજય બાદ યુવરાજસિંહની ગર્જના, સેમિફાઇનલમાં પાકિસ્તાન સામે વિજય બાદ સ્ટેડિયમમાં ઉપસ્થિત વડાપ્રધાન મનમોહનસિંહ-સોનિયા ગાંધી જેવા વીવીઆઇપીના ચહેરા પર સામાન્ય ક્રિકેટપ્રેમી જેવો જ હરખ, ફાઇનલમાં કુલાસેકરાની બોલિંગમાં મહેન્દ્રસિંહ ધોનીએ ફટકારેલી વિનિંગ સિક્સર... આ તમામ ક્ષણ જાણે હમણાં જ આંખના પડદા ઉપરથી પસાર થઇ હોય તેમ જણાય છે. આપણા દેશના રમતપ્રેમીઓ માટે કેટલીક ઘટનાને કદી પણ ભૂલી શકાશે નહીં, જેમાં ૧૯૮૩, ૨૦૧૧નો વન-ડે વર્લ્ડકપ, ૨૦૦૭નો ટ્વેન્ટી૨૦ વર્લ્ડકપ, અભિનવ બિન્દ્રાનો ઓલિમ્પિક્સમાં ગોલ્ડ... એ આ પૈકીની કેટલીક ઘટના છે.

તારીખ શ્રેણી    વન-ડે   ભારત માટે પરિણામ