બેરૂત 2, એપ્રિલ
અમેરિકી સરકાર દ્રારા રવિવારે સીરિયાને 1.22 કરોડની માનવીય સહાયતા માટેની ઘોષણા કરવામાં આવી છે. તે દરમિયાન તુર્કીનાં ઈસ્તંબુલમાં 'ફ્રેન્ડ્સ ઓફ સીરિયા' ની બીજી બેઠક પણ મળી છે.
અમેરિકા વિદેશ મંત્રાલય દ્રારા જાહેર કરાયેલાં નિવેદનમાં જણાવવામાં આવ્યું હતું કે, સીરિયાને માનવીય સહાયતા આપવામાં આવશે, જેમાં સીરિયાનાં વિસ્થાપિતો માટે મેડીકલ સેવા અને અન્ય સેવાઓ પૂરી પાડવામાં આવશે. જેના માટે અમેરિકી સરકાર દ્રારા સીરિયાને લગભગ 2.5 કરોડ ડોલરની સહાય કરવામાં આવશે.
માર્ચ મહિનામાં અમેરિકા દ્રારા સીરિયામાં હિંસાનો ભોગ બનેલાં નાગરિકો માટે 1.22 કરોડની મદદ કરવામાં આવી હતી. વિશ્વ ખાદ્ય કાર્યક્રમ, સંયુક્ત રાષ્ટ્ર શરણાર્થી અને રેડક્રોસ આંતરરાષ્ટ્રીય સમિતિ સહિત અન્ય આંતરરાષ્ટ્રીય સંગઠનો પણ સીરિયાની જનતાની મદદ કરી રહ્યાં છે. વિશ્વ ખાદ્ય કાર્યક્રમ અંતર્ગત સીરિયામાં એક વર્ષથી ચાલી રહેલી હિંસાનાં પરિણામ સ્વરૂપે લગભગ 14 લાખ લોકોને ખાદ્યની અછત પડવા લાગી હતી.