મોદી પ્રભાવશાળી હસ્તીઓ માટેની હોડમાં ઓબામાથી આગળ

સર્વેક્ષણમાં મોદીને સોમવાર સુધીમાં ૨૨,૧૦૮ વોટ મળ્યા હતા જ્યારે ઓબામા ૧૩,૭૫૭ વોટ જ મેળવી શક્યા હતા. અલબત્ત, Reddit.comના ૩૩ વર્ષીય જનરલ મેનેજર એરિક ર્માિટન ૧,૨૦,૨૪૯ વોટ સાથે યાદીમાં મોખરે છે. પાકિસ્તાનનો ભૂતપૂર્વ ક્રિકેટર, રાજકારણી ઇમરાન ખાન ૪૦,૮૧૧ વોટ સાથે પાંચમા ક્રમે છે જ્યારે લેડી ગાગા ૨૨,૭૭૮ વોટ સાથે ૧૦મા ક્રમે છે.

આ સર્વેક્ષણના પરિણામોમાં જુદા જુદા ક્ષેત્રોની ૧૦૦ સૌથી પ્રભાવશાળી વ્યક્તિઓને સ્થાન આપવામાં આવશે. વોટિંગ ૬ એપ્રિલ સુધી ચાલુ રહેશે અને TIME 100 લિસ્ટ મેગેઝિનના એડિટર્સ દ્વારા પસંદ કરવામાં આવશે. યાદીમાં ભારત તરફથી મોદી ઉપરાંત વિદ્યા બાલન, સલમાન ખાન, નીતિશકુમાર, અણ્ણા હજારે અને સચિન તેંડુલકર પણ સામેલ છે. વિશ્વની સૌથી પ્રભાવશાળી વ્યક્તિ બનવા માટે જામેલી હોડમાં મિશેલ ઓબામા, માર્ક ઝુકરબર્ગ અને રુપર્ટ મર્ડોકનો પણ સમાવેશ થાય છે.

ઉલ્લેખનીય છે કે તાજેતરમાં મોદી 'ટાઈમ' મેગેઝિનના કવર પર ચમક્યા હતા અને મોદીના નેતૃત્વમાં છેલ્લા ૧૦ વર્ષમાં ગુજરાતે સાધેલા વિકાસની મેગેઝિને પ્રશંસા કરી હતી.