મેસ્સીની અડધી સદી, બાર્સેલોના સેમિ.માં

લિયોનેલ મેસ્સીએ ફરી એકવાર પુરવાર કર્યું છે કે તેની ગણના અત્યારના શ્રેષ્ઠ ફૂટબોલરમાં શા માટે થાય છે. ચેમ્પિયન્સ લીગ ફૂટબોલમાં એસી મિલાન સામેની બીજી અને નિર્ણાયક ક્વાર્ટર ફાઇનલમાં લિયોનેલ મેસ્સીએ બે ગોલ ફટકારી બાર્સેલોનાને ૩-૧થી વિજય અપાવ્યો હતો. આ સાથે જ બાર્સેલોનાની ટીમ ચેમ્પિયન્સ લીગની સેમિફાઇનલમાં પહોંચી ગઇ છે. આ સાથે જ મેસ્સીના ચેમ્પિયન્સ લીગમાં કુલ ગોલનો આંક ૫૧ ઉપર પહોંચી ગયો છે. અન્ય એક મેચમાં માર્સેલીને ૨-૦થી હરાવી બેયર્ન મ્યુનિકે સેમિફાઇનલમાં પ્રવેશ કરી લીધો છે.