મુંબઈ 5, એપ્રિલ
મુંબઈની પોલીસે ખાર પોશ વિસ્તારમાંથી ગઈ રાત્રે એક હુક્કાબારમાં છાપો મારતાં એક પ્રખ્યાત ટીવી અભિનેત્રી સહિત 15 યુવક યુવતીઓની ધરપકડ કરવામાં આવી હતી. પોલીસે બારમાં છાપો માર્યો ત્યારે ટીવી અભિનેત્રી પોતાનાં મિત્ર વર્તુળ સાથે નશામાં હતી.
પોલીસકર્મીઓ દ્રારા ખાર ખાતે આવેલાં હુક્કાબારમાં રાત્રે 2 વાગે છાપો મારવામાં આવ્યો હતો, જ્યાં ટીવી અભિનેત્રી અને અમીર બાપની અમીર ઓલાદોએ પોલીસ પર હુમલો કર્યો હતો. મીડિયા પર નશાની હાલતમાં ભડકેલી અભિનેત્રી 'સાથ નિભાના સાથિયા'ની વહુ ગોપી એટલે કે જીયા માનેક સામેલ હતી.
મુંબઈ પોલીસની સમાજસેવાની શાખાએ કોસ્મિક રેસ્ટોબારમાં પ્રથમ આઈપીએલની મેચ જોઈ નશાની લિજ્જત માણતાં 15 યુવક યુવતીઓની ધરપકડ કરી હતી. જો કે ત્યાં સુધીમાં બારમાં માલિક અને મેનેજર ત્યાંથી ફરાર થઈ ગયાં હતાં. અગાઉ 29 માર્ચ 2012નાં રોજ વિવેક ઓબેરોયની આ જ રીતે હુક્કાબારમાંથી ધરપકડ કરવામાં આવી હતી.