GMBને અલંગમાંથી લ્લ પ૬.૬ર કરોડની જંગી આવક

ગુજરાતના વિપુલ દરિયા કિનારા પર વિકસીત સરકારી બંદરોનો હવાલો સંભાળતા ગુજરાત મેરીટાઈમ બોર્ડને બંદરની કુલ આવકમાંથી નિયત ટકાવારી મુજબ આવક મળવાપાત્ર હોય છે. જો કે જીએમબીને રાજ્યમાં એક માત્ર અલંગ-સોસીયા શિપ બ્રેકીંગ યાર્ડમાંથી ૧૦૦ ટકા આવક મળતી હોય છે. ત્યારે અલંગમાંથી વર્ષ-ર૦૧૧/૧રમાં આગ ઝરતી તેજીના માહોલમાં હિસાબી વર્ષના અંતે ગુજરાત મેરીટાઈમ બોર્ડને રૂ.પ૬.૬ર કરોડની જંગી આવક થઈ છે.

આ અંગે સુત્રોમાંથી મળતી માહિતી અનુસાર અલંગ-સોસીયા શિપ બ્રેકીંગ યાર્ડમાં હિસાબી વર્ષ-ર૦૧૧/૧રમાં ૪૧પ જહાજની રેકોર્ડબ્રેક આવકની સાથે શિપ બ્રેકીંગની કામગીરીનો ધમધમાટ રહ્યો હતો. અલંગમાં એલડીટી શિપ બ્રેકીંગ ચાર્જીસના રૂ.૩૮,૭૬,૮ર,પ૦૦/- ,વ્હીકલ એન્ટ્રી ફિના રૂ.રપ,૯૪, ૭૬૦/-, પ્લોટ રેન્ટના રૂ.૧,૮૬, પ૧,ર૦૮/-, પ્લોટ પ્રિમિયમ ચાર્જીસના રૂ.૧૩,૮૭,૭પ,રર૬/- સહિતની કુલ આવક મળી વર્ષાન્તે રૂ.પ૬,૬ર,૦૭,૬ર૬/-ની આવક થઈ છે.અલંગ શિપ યાર્ડમાંથી હિસાબી વર્ષ-ર૦૧૧/૧રના વર્ષાન્તે થયેલ કુલ આવક રૂ.૫૬,૬૨,૦૭,૬૨૬/-માંથી વર્ષ દરમિયાન થયેલ ખર્ચ રૂ.૫,૮૫, ૭૧,૭૬૬/- બાદ કરતા ગુજરાત મેરીટાઈમ બોર્ડને ચોખ્ખો નફો રૂ.૫૦,૭૬,૩૫,૮૬૦/- થયેલ છે.