પ્રથમ વિજેતા :
વીણા ત્રિવેદી, વડોદરા
સામગ્રી : ૧ બાઉલ રાંધેલો ભાત, ૧ ગ્રામ લીલા ચણા (પોપટા), ૧ નંગ કેપ્સિકમ, ૨ નંગ ટામેટાં, ૨ ચમચી આદુ-મરચાંની પેસ્ટ, ૧ ચમચી લીલું લસણ, ૨૫ ગ્રામ નાની બટાકી, ૨૫ ગ્રામ નાના કાંદા, બે ચમચી ઘી, વાટકી દૂધ, ચપટી કેસર, ૧ બાઉલ દહીં, ૧ ચમચી ધાણાજીરૂ, ૨ ચમચી લાલ મરચું, ચમચી હળદર, મીઠું સ્વાદ પ્રમાણે, ૪થી ૫ નંગ લવિંગ, બે એલચી, બે ટુકડા તજ, ૧ નંગ બાદીયા, ૧ તમાલપત્ર, ૧ ચમચી પ્રેપરીકા, ૧ ચમચી ઓરેગાનો, તેલ જરૂર પ્રમાણે, ર્ગાનિશિંગ માટે કાજુ, ૧ ચમચી કિસમિસ, કાજુના પીસ, ૧ નંગ કાંદો, ૧ ચમચી જીરૂ.
પૂર્વ તૈયારી : કેપ્સિકમ શેકી ઝીણું સમારવું. ટામેટાં ઝીણા સમારવા. કાંદા તળવા. બટાકા બાફી તળવા. ચણા બાફવા. ભાત છૂટો રાંધવો (કાંદા-બટાકા મેરીનેટ કરવા), ૧ કાંદો ઝીણો સમારવો.
સાલસા બનાવવાની રીત : સૌપ્રથમ એક પેનમાં બેથી ત્રણ ચમચી તેલ મૂકી, તેમાં આદું-મરચાંની પેસ્ટ નાખી થોડી સાંતળી તેમાં ઝીણા સમારેલા કાંદા નાખી થોડા સાંતળી તેમાં લીલું લસણ, ટામેટાં નાખી તેલ છૂટું પડે ત્યાં સુધી સાંતળવું. ત્યાર બાદ ઝીણા સમારેલા કેપ્સિકમ, ચણા નાખવા. બધું જ મિક્સ કરી તેમાં મીઠું, પ્રેપરીકા, ઓરેગાનો નાખી સાઈડ પર રાખવું.
પોટેટો પ્યાજ બનાવવાની રીત : બટાકી બાફી તળવી. કાંદા છાલ ઉતારી તળવા. ત્યાર બાદ દહીંમાં મીઠું, લાલ મરચું, હળદર, ધાણાજીરૂ નાખી તળેલા કાંદા-બટાકા નાખી કલાક મેરીનેટ કરવું. ત્યાર બાદ એક પેનમાં તેલ મૂકી દહીંવાળું મિશ્રણ નાખી બધું જ દહીં બળી તેલ છૂટે ત્યાં સુધી હલાવવું. તૈયાર કરી સાઈડ ઉપર રાખવું.
રાઈસ તૈયાર કરવા માટે : સૌ પ્રથમ છૂટો ભાત તૈયાર કરી એક પેનમાં ઘી મૂકી તેમાં જીરૂ નાખી તતડે બાદ તેમાં કાજુ, કિસમિસ,
તજ,
લવિંગ,એલચી,
તમાલપત્ર નાખી તેમાં ભાત નાખવો. સ્વાદ પ્રમાણે મીઠું નાખી બધું જ મિક્સ કરી સાઈડ પર રાખવું.
સર્વ કરવા માટે : એક ઓવન પ્રૂફ બાઉલ લઈ તેને ગ્રીસ કરી ભાતનું લેયર્સ કરવું. ત્યાર બાદ તેના ઉપર બે ચમચી કેસરવાળું દૂધ નાખી સાલસાનું લેયર્સ કરવું. ત્યાર બાદ ફરી ભાતનું લેયર્સ કરી તેના ઉપર કેસરવાળું દૂધ છાંટી પોટેટો પ્યાજવાળું લેયર્સ કરવું. તેના ઉપર ફરી ભાતનું લેયર્સ કરવું. તેના ઉપર કેસરવાળું દૂધ નાખી ફોઈલ પેપર લગાવી ૫થી ૧ મિનિટ માટે માઈક્રો ઓવનમાં મૂકી અનમોલ્ડ કરી કાજુથી ર્ગાનિશિંગ કરવું. નોંધ : ઓવન ના હોય તો ગેસ પર કોલસો ગરમ કરી કાંદાનું એક પડ લઈ તેમાં કોલસો મૂકી ભાત વચ્ચે મૂકી ઉપર ઘી નાખી થોડીવાર ઢાંકીને રાખવું. સૂચન : લીલા ચણા ના મળે ત્યારે સૂકા લીલા કલરના ચણા અથવા છોલે ચણા લેવા.
શાહી પુલાવ વિથ પોટેટો બોલ્સ
સામગ્રી : ૧ વાડકી લીલા તુવેરના દાણા, ૧ વાડકી પાપડીના દાણા, ૨ વાડકી વટાણા, અડધું ગાજર, ૧ કેપ્સિકમ, ૧ કાંદો, ૧ વાડકી બારીક સમારેલી કોથમીર, ૧ બારીક સમારેલું લીલું મરચું, અડધી વાડકી કાજુના ટુકડા, ૨ ટે.સ્પૂન કિસમિસ, ૧ ચમચી લીંબુનો રસ, ૨ વાડકી બાસમતી ચોખા, ૩ નંગ બટાકા બાફેલા, બે ટી.સ્પૂન આરા લોટ, મીઠું સ્વાદ મુજબ, અડધી ટી.સ્પૂન મરચું.
સ્ટફિંગ માટે : ૨ ટે.સ્પૂન તેલ, બધા દાણા વરાળે બાફી લેવા, ચોખાને છૂટા રાંધી લેવા અને ચાળણીમાં નીતરવા દેવા.
રીત : બે ચમચા તેલ મૂકી તેમાં ઝીણા સમારેલા કાંદા વઘારવા અને થોડી વાર સાંતળવું. પછી તેમાં બધા બાફેલા દાણા નાખી થોડી વાર હલાવવું. તેમાં કેપ્સિકમ, ગાજર નાખી દેવું. તેમાં મીઠું, મરચું, કોથમીર વગેરે નાખી ચડવવું. આ સ્ટફિંગને બાજુમાં રાખવું.
બટાકાના બોલ્સ માટે : બાફેલા બટાકાને ખમણી લેવા. તેમાં મીઠું-મરચું અને આરા લોટ નાખી કણક તૈયાર કરો અને એના નાના નાના બોલ્સ વાળો અને પછી તેલમાં ગોલ્ડન બ્રાઉન કલરના થાય ત્યાં સુધી તળો અને બાજુ પર રાખો.
પુલાવ માટેની રીત : એક વાસણમાં ૨ ચમચા ઘી મૂકી તેમાં ૪-૫ લવિંગ, ૨ ટુકડા તજ, ૧ ચમચી લીલાં મરચાં નાખી બાફેલા ચોખા નાખી હલાવવું. તેમાં સ્વાદ પ્રમાણે મીઠું નાખી બાફેલા વટાણા નાખી હલાવી લેવું. એક બાઉલમાં પહેલાં ચોખાનું લેયર કરવું. પછી એની ઉપર જે સ્ટફિંગ તૈયાર કર્યું છે એનું લેયર કરવું. ફરી ચોખાનું લેયર કરવું. ફરી સ્ટફિંગનું લેયર કરવું. ફરી ચોખાનું લેયર કરવું. એમ બે-ત્રણ લેયર કર્યા પછી તેની ઉપર બટાકાના બોલ્સ મૂકી ર્ગાનિશ કરવું અને ગરમાગરમ ખટ-મધુરી કઢી અથવા દહીં સાથે સર્વ કરવું.
ઝીરો ઓઈલ ફેન્સી પુલાવ
તૃતીય વિજેતામીતા રાયચુરા, જામનગર
સામગ્રી : ૩ વાડકી બાસમતી પૌંઆ, ૧ વાડકી બાસમતી મમરા, ૪ વાડકી પાતળી છાશ, ૧/૪ વાડકી લીલા વટાણા, ૧-૧૨ ગાજરની ચીપ્સ, ૧-૧૨ નંગ બટાકાની ચીપ્સ, ૧/૪ વાડકી ઝીણી સમારેલ કોબીજ, ૨-૩ લીલાં મરચાંના ઝીણા કટકા, ૧ વાડકી લીલા નાળિયેરનું ખમણ (છાલ ઉતારેલું), ૧/૨ વાડકી ખમણેલ પનીર, કાજુ-બદામના કટકા ૧/૪ વાડકી, ૧-૧૨ નંગ કિસમિસ, ૪-૫ લીમડાંના પાન, ૧ ચમચી લીંબુનો રસ, ૧ ચમચી ઝીણો ખમણેલ આદું, નિમક સ્વાદ અનુસાર, સફેદ મરી પાઉડર ૧/૨ ચમચી.
ર્ગાનિશિંગ માટે : સમારેલી કોથમરી.
રીત : સૌપ્રથમ ૩ વાડકી સફેદ મોટાં બાસમતી પૌંઆને છાશમાં નિમક નાખીને ૧ મિનિટ સુધી પલાળી રાખવા. તે જ રીતે બાસમતી મમરાને ૨થી ૩ મિનિટ સુધી છાશમાં પલાળો અને ત્યાર બાદ બંનેને ચાળણીમાં એકસાથે કાઢી જો છાશનું પ્રમાણ રહેતું હોય તો નિતારી લો. ૫-૧ મિનિટ સુધી કોરાં થઈ જાય એટલે તેને ચમચીથી સહેજ છૂટા પાડી દો. હવે ગરમ પાણીમાં નિમક નાખી વટાણા, ગાજરની ચીપ્સ, બટાકાની ચીપ્સ, લીલાં મરચાં, કોબીજ બધું બાફી લો અને પાણી નિતારી પૌંઆ-મમરામાં મિક્સ કરી લો. કાજુ-બદામના કટકાને અને લીમડાંના પાનને તવા પર સહેજ શેકી તે પણ મિક્સ કરો અને કિસમિસ પણ ભેળવો. હવે તેમાં લીલા નાળિયેરનું છાલ ઉતારેલું ખમણ, ખમણેલું આદું, સફેદ મરી પાઉડર
અને લીંબુનો રસ ઉમેરી મિક્સ કરો. હવે આ પુલાવને ઢોકળિયામાં ૫થી ૭ મિનિટ અથવા ઓવનમાં ૨-૩ મિનિટ સુધી સ્ટીમ કરો. ઓવનમાંથી બહાર કાઢીને ખમણેલ પનીર મિક્સ કરો અને કોથમીરથી ર્ગાનિશ કરો તેમ જ સુપ સાથે ગરમ પીરસો.
આ પુલાવમાં ઓઈલનો ઉપયોગ બિલકુલ ન હોવાથી લો કેલરી ફૂડ તરીકે લઈ શકાય છે.
પુલાવ-કરી
સામગ્રી (ભાત માટે) : (૧) ચોખા-૨ વાડકી (૨) નાળિયેરનું જાડું દૂધ-૪ કપ (૩) ઘી-૧ ચમચો (૪) ઝીણી સમારેલી ડુંગળી-૨ નંગ (૫) તજ (૬) લવિંગ (૭) ઈલાયચી (૮) કાજુ (૯) દ્રાક્ષ (૧) મીઠું-પ્રમાણસર.
સામગ્રી (કરી માટે) : (૧૧) બટાકા-૨ નંગ (૧૨) ગાજર-૧ નંગ (૧૩) વટાણા-૧ વાડકી (૧૪) ફણસી-અડધી વાડકી (૧૫) ફ્લાવર-૧ વાડકી (૧૬) દૂધી-અડધી વાડકી (૧૭) ટામેટાં-૩ નંગ (૧૮) નાળિયેર-૧ નંગ (૧૯) સાકર-૧ ચમચી (૨) મીઠો લીમડો (૨૧) ઘી-તેલ-મીઠું-જોઈતા પ્રમાણમાં.ળ(વાટવાનો મસાલો) (૨૨) ખસ ખસ, વરિયાળી-૧ ચમચો (૨૩) જીરૂ-૨ ચમચી (૨૪) ધાણા-૨ ચમચી (૨૫) સિંગદાણા-૧ કપ (૨૬) વઘારનાં મરચાં-૬ નંગ (૨૭) આદું (૨૮) તજ-લવિંગ-મરી- ઈલાયચી (૨૯) નાળિયેર.
રીત (પુલાવ) : (૧) એક તવામાં એક ચમચો ઘી મૂકો. તેમાં ઝીણી ડુંગળી સાંતળવી. સહેજ વાર રહી તજ-લવિંગ- ઇલાયચી નાખી હલાવવું. એ પછી પલાળેલા ચોખા, નાળિયેરનું દૂધ તથા મીઠું નાખી ધીમા તાપે પુલાવ થવા દેવો. પુલાવ તૈયાર થાય એટલે ઉપર તળેલા કાજુ-દ્રાક્ષ ભભરાવવા.
રીત (કરી) : બધા શાક સમારેને એક સાથે બાફી લેવા.
પછી એક તવામાં તેલ કે ઘી મૂકી તેમાં વાટેલો મસાલો સાંતળવો. બાફેલા શાક ટામેટાં તથા લીમડો પણ તેમાં નાખવા અને હલાવતા જવું. સહેજ વાર રહી નાળિયેરનું દૂધ ઉમેરી હલાવતા રહેવું. થોડી વારે ચાખી લેવું. ખૂટતી વસ્તુ નાખી કરી ઘટ્ટ થાય એટલે ઉતારી લેવી. પુલાવ સાથે આ કરી ખૂબ જ લિજ્જતદાર લાગશે. - નેહા પટેલ, અમદાવાદ
બ્રોકોલી એન્ડ કેરટ રાઈસ (વ્યક્તિ-૪)
સામગ્રી : ૧ કપ બાસમતી ચોખા (૧ કલાક પલાળેલા), ૧-૧/૨ કપ મધ્યમ સાઈઝના બ્રોકોલીનાં ફૂલ, ૧ ગાજર-ચોરસ ટુકડા, ૩ મોટી ચમચી તેલ, ૧/૨ ચમચી જીરૂ, ૧/૪ નાની ચમચી આખા મરી, ૧ કાંદો-નાનો સમારેલો (ઝીણો), મીઠું સ્વાદ પ્રમાણે.
રીત : (૧) ૨ કપ પાણીમાં ૧ નાની ચમચી મીઠું અને ૧ નાની ચમચી સાકર નાખીને ઉકાળો. તેમાં બ્રોકોલીનાં ફૂલ અને ગાજરના ટુકડા નાખો. (૨) તાપ ધીમો કરી ૨ મિનિટ સીજવા દો. (૩) પાણી નિતારી બાજુએ મૂકો. (૪) તેલ ગરમ કરો. જીરૂ અને આખા મરી નાખો. (૫) જીરૂ તતડે એટલે કાંદા નાખો. હલાવતા રહો. કાંદા બ્રાઉન થાય ત્યાં સુધી સાંતળો. (૬) બ્રોકોલી અને ગાજર નાખો, હલાવો, ૨ મિનિટ સાંતળો. (૭) ચોખા નાખો. હળવેથી ૧/૨ મિનિટ હલાવો. (૮) ૨ કપ પાણી નાખી મિક્સ કરો. (૯) જ્યારે પાણી ઊકળે તાપ ધીમો કરો. નેપ્કિનથી વાસણને ઢાંકો અને ઉપરથી ટાઈટ ઢાંકણ ઢાંકો. (૧) એકદમ ધીમા તાપ પર ભાત ચડે અને પાણી શોષાઈ જાય ત્યાં સુધી રાંધો. તૈયાર છે બ્રોકોલી એન્ડ કેરટ રાઈસ. - રક્ષા પંડયા, વડોદરા