તસવીરોમાં ગુજરાતનાં જંગલોનું વૈવિધ્ય

અમદાવાદમાં બીબીએનો અભ્યાસ કરવા આવેલા બનાસકાંઠાના ઉઝૈર કાસ્બતીએ વાઇલ્ડ લાઇફ પર કરેલી ફોટોગ્રાફીનું પ્રદર્શન યોજવામાં આવ્યું છે. ગુજરાતનાં અનેક સ્થળોની સુંદરતા, એનિમલ્સ અને બર્ડની મુવમેન્ટને એવી રીતે કેમેરામાં કેદ કરી છે કે તેની મનમોહક અદાઓએ લોકોને મંત્રમુગ્ધ કરી દીધાં છે. ‘કોલ ઓફ ધ વાઇલ્ડ’ નામ હેઠળ પ્રર્દિશત કરવામાં આવેલ પ્રદર્શનમાં નળસરોવર, કચ્છનાં નાનાં રણ, ગીરનાં જંગલો, થોર અને સાબરકાંઠાના કેટલાક વિસ્તારોના ફોટોગ્રાફ્સ એક્ઝિબિટ કરવામાં આવ્યા છે. ઉઝૈરે સિલેક્ટેડ ૩૫ ફોટોગ્રાફ્સનું પ્રદર્શન યોજ્યું છે. ગ્રેટર હુપુ લાર્ક નામનાં પક્ષીના દુર્લભ ફોટોગ્રાફ્સ પણ જોવા મળશે.