સ્વીટ
સામગ્રી
* બદામ ૨૫૦ ગ્રામ
* ૩/૪ કપ ખાંડ
* ૧ મોટી ચમચી દૂધ
* ૧.૧/૪ નાની ચમચી લિક્વિડ ગ્લુકોઝ
* ૧-૨ શીટ ચાંદીનો વરખ (મરજિયાત)
રીત
* બે કપ પાણી લઈ તેમાં બદામ નાખીને પાંચેક મિનિટ માટે ઉકાળો. પછી પાણી નિતારીને બદામને કોરી કરી છાલ ઉતારી લેવી.
* બદામને કોટન રૂમાલમાં સૂકવી લેવી. એક નોનસ્ટિક પેન ગરમ કરીને તેમાં સાતેક મિનિટ માટે બદામ શેકો.
* બદામ આછા રંગની થાય ત્યાં સુધી શેકવી. શેક્યા બાદ તેને ઠંડી કરીને પીસી લેવી.
* એક વાસણમાં ત્રણ કપ પાણી લઇને તેમાં ખાંડ નાખી તે પાણી ઉકળવા દો. તે પાણી કડછીથી હલાવતા રહેવું.
* થોડી વાર પછી તેમાં એક મોટી ચમચી દૂધ નાખી દેવું.
* થોડી વાર બાદ પેનને આંચ પરથી હટાવી લેવું. અને થોડી વાર પછી તેમાં લિક્વિડ ગ્લુકોઝ અને પીસેલી બદામનો પાવડર મિક્સ કરી લેવો.
* આ મિશ્રણ નરમ અને સહેજ ગુલાબી ઝાંયવાળું થાય ત્યાં સુધી કડછીથી હલાવતા રહેવું.
* પછી મિશ્રણને બહાર કાઢીને ઠંડું પડવા દેવું.
* ત્યાર બાદ એક વાસણમાં ઘી લગાવીને મિશ્રણને મસળી લો.
* ત્યાર બાદ એલ્યુમિનિયમ ટ્રેમાં પાતળું મિશ્રણ પાથરીને ચોરસ અથવા તો કતરીના આકારમાં કાપી લો. અને વરખ લગાવી દો.