અમદાવાદ :
ચાર જુદી જુદી બેન્કોમાં ૧૫૨ જેટલા બોગસ ખાતા ખોલાવી બે કરોડ ઉપરાંતની માતબર રકમની ઠગાઈ કરનાર આરોપીને કાલુપુર પોલીસે ઝડપી પાડયો હતો. આ કેસની પોલીસ ફરિયાદ કાલુપુર પોલીસમાં વર્ષ ૨૦૧૦માં નોંધાઈ હતી. જે તે સમયે ઠગાઈ કરનારા મુખ્ય સુત્રધારની પોલીસે ધરપકડ કરી હતી.
બોગસ દસ્તાવેજોના આધારે ચાર જેટલી બેન્કોમાં ૧૫૨ જેટલા બોગસ ખાતા ખોલાવી તેમાં કરોડો રૃપિયાનું ટ્રાન્ઝેકશન કરવામાં આવ્યું હતુ. ૧૧-૯-૨૦૦૯ થી ૨૫-૯-૨૦૦૯ દરમિયાન થયેલા આ કૌભાંડની પોલીસ ફરિયાદ વર્ષ ૨૦૧૦માં નોંધાઈ હતી. અગાઉ આ કૌભાંડ કરનારા મુખ્ય સુત્રધારની પોલીસે ધરપકડ કરી હતી. પણ તેનો સાગરિત છેલ્લા બે વર્ષથી વોન્ટેડ હતો.કાલુપુર ચોખા બજાર પાસેથી પોલીસટીમે વોન્ટેડ રાજુ બાબુભાઈ સોલંકીને ઝડપી પાડયો હતો.