નવી દિલ્હી : વિશ્વ બેન્ક ગ્રૂપના સભ્ય ઇન્ટરનેશનલ ફાઇનાન્સ કોર્પોરેશન જેન્ડર સમાનતા માટે નવી નવી યોજનાઓ લાવી રહી છે. આ યોજનાના ભાગરૂ પે આઈએફસીએ તાજેતરમાં ટર્કી અને બાંગ્લાદેશમાં સ્ત્રી સશક્તિકરણના કાર્યક્રમો હાથ ધર્યા છે. ભારતમાં આઇએફસી કોર્પોરેટ સેક્ટરમાં બોર્ડરૂ મમાં સ્ત્રીઓનું પ્રતિનિધિત્વ આપનારી કંપનીઓને પ્રોત્સાહન આપવાની પણ હિમાયત કરી રહી છે. જેન્ડર સમાનતા માટે કોર્પોરેશન એવોર્ડ દ્વારા પણ પ્રોત્સાહન આપી રહી છે. કેમિકલ્સ સેક્ટરમાં સ્ત્રી કર્મચારીઓને સમાન તક આપી અને તેમનાં સંરક્ષણ માટેની પોલિસીઓ અમલમાં મૂકવા બદલ આઇએફસીએ મેઘમણિ ફાઇનકેમ લિમિટેડને એવોર્ડ આપ્યો છે. સામાન્ય રીતે કેમિકલ પ્લાન્ટમાં સખત શારીરિક શ્રમ અને કામની આકરી શરતો હોઈ મહિલાઓને નોકરીએ રખાતી નથી, પરંતુ કંપનીએ મહીલાઓને આપેલી સમાન તકોની નોંધ લેવાઇ હતી.