મુંબઈ 14, એપ્રિલ
ફિલ્મ અભિનેતા શ્રેયસ તલપડે એકશન ફિલ્મમાં કામ કરવાની વાતને લઈને ઉત્સાહિત છે અને જો તમામ પરિસ્થિતિઓ સાનુકૂળ રહેશે તો તે આગામી દિવસોમાં રાજનીતિ પર આધારિત ફિલ્મમાં એકશન સીન કરતાં દેખાશે.
શ્રેયસે જણાવ્યું હતું કે હું અમિતાભ બચ્ચની ફિલ્મો જોઈને મોટો થયો છું અને મસાલા ફિલ્મો પણ એટલી જ જોઈ છે, જેમાં ડ્રામા,એકશન અને કોમેડી એકસાથે જોવા મળતી હોય તેવી ફિલ્મો પણ જોઈ છે. એવામાં હું એક અભિનેતા તરીકે એકશન ફિલ્મમાં કામ કરવા માંગુ છું. જો કે હું સલમાન ખાન અને શાહરૂખ ખાનને ફોલો કરવાની કોશિશ બિલકુલ પણ કરી રહ્યો નથી.
36 વર્ષીય અભિનેતાને એક એકશન ફિલ્મમાં કામ કરવા માટે ઓફર કરવામાં આવી છે અને ઉપરાંત તેને કસરત કરી બોડી બનાવવા માટે પણ કહેવામાં આવ્યું છે. આ ફિલ્મ લખનઉ આધારિત રહેશે. જો કે આ ફિલ્મનું નામ હજુ સુધી નક્કી કરવામાં આવ્યું નથી.