લંડન 14, એપ્રિલ
ડાયેટિંગનાં વિરુદ્ધમાં બોલનારી ગાયિકા લેડી ગાગા હાલમાં પોતે જ ડાયેટિંગ પર છે. જો કે આ વાતથી તેનાં પ્રશંસકો પણ આશ્ચર્યમાં મૂકાયાં છે. ડાયેટિંગનાં વિરુદ્ધમાં હંમેશા નિવેદન આપનાર ગાગા હાલમાં પોતે સ્લિમ થવાનું વિચારી રહી છે. જો કે તેને આમાં ઘણી મુશ્કેલી પડી રહી છે.
ગાગાએ પોતાના ટ્વીટરનાં એકાઉન્ટમાં ટ્વીટ કરી જણાવ્યું હતું કે તે હાલમાં માત્ર સલાડ જ લઈ રહી છે અને તેને પીઝા બર્ગરનાં સપનાં આવે છે. ગાગાનાં આવા ટ્વીટથી તેનાં 2.27 કરોડ ફોલોઅર્સ આશ્ચર્યમાં પડી ગયાં છે. જો કે ગાગાનાં પ્રશંસકો અને નેશનલ ઈટિંગ ડિસઓર્ડર એસોશિએશન દ્રારા તે અંગે ટિપ્પણી પણ કરવામાં આવી છે.