લંડન 14, એપ્રિલ
હોલિવૂડની લોકપ્રિય અભિનેત્રી સ્કારલેટ જોન્સનની લાઇફમાં ખુશી પરત ફરી છે, કેમ કે તેની લાઇફમાં નવા બોયફ્રેન્ડનું આગમન થયું છે. સ્કારલેટ હાલમાં તેના નવા બોયફ્રેન્ડ નેટ નેયલોર સાથે ખૂબ ખુશ છે. નેટ નેયલોર ન્યૂયોર્કસ્થિત એડવર્ટાઇઝિંગ એક્ઝિક્યુટિવ છે. અભિનેતા રાયન રેનોલ્ડસ સાથે સંબંધ તૂટી ગયા બાદ વર્ષ ૨૦૧૧માં સ્કારલેટ ખરાબ તબક્કામાંથી પસાર થઇ રહી હતી.
હવે તે ફરી ખુશ દેખાઇ રહી છે. તેના જીવનમાં દરેક બાબત બિલકુલ યોગ્ય રીતે આગળ વધી રહી છે. તે હાલમાં ઘણી ખુશ છે અને પર્સનલ તેમ જ પ્રોફેશનલ લાઇફમાં ભરપૂર આત્મવિશ્વાસ સાથે આગળ વધી રહી છે. સ્કારલેટને નવી ફિલ્મોની ઓફર પણ થઇ રહી છે, જે તેને વધુ લોકપ્રિયતા અપાવી શકે છે, પરંતુ તે ઉતાવળે ફિલ્મો સાઇન કરવા ઇચ્છતી નથી.