લોસ એન્જેલસ 25, એપ્રિલ
હોલિવૂડની અભિનેત્રી એન્જેલિના જોલી પોતાનાં નિર્દેશનમાં બનેલ ફિલ્મ 'ઈન ધ લેન્ડ ઓફ બ્લડ એન્ડ હની' દ્રારા દર્શકોનું ધ્યાન ખેચવામાં સફળ રહી છે, જેનાં ફળસ્વરૂપ જોલીને બોસ્નિયાની માનત નાગરિકતા આપવામાં આવશે.
જોલીને સારાજેવો શહેરમાં ત્રીજી મેનાં દિવસે આયોજીત એક વિશેષ કાર્યક્રમમાં આમંત્રિત કરવામાં આવી છે, જ્યાં તેનું માનદ પદ્દવી સાથે સન્માન કરવામાં આવશે. સૂત્રોનાં જણાવ્યાં અનુસાર 1990નાં દાયકાનાં યુદ્ધ દરમિયાન સર્બિયાઈ સૈનિક અને બોસ્નિયાની મહિલાનાં પ્રેમ સંબંધો પર આધારિત ફિલ્મ 'ઈન ધ લેન્ડ ઓફ બ્લડ એન્ડ હની' ની કહાની પણ જોલીએ જાતે જ લખી હતી.
બોસ્નિયાની સરકારે સારાજેવો, બોસ્નિયા અને હર્જેગોવિનામાં થયેલાં યુદ્ધની સાચી હકીકત બહાર લાવી માનવતા, સહિષ્ણુતા, લોકતંત્ર અને અલગ અલગ જાતિ અને ધાર્મિક અને સાંસ્કૃતિક ભૂમિ જેવાં સિદ્ધાંતોને ફિલ્મમાં ઉજાગર કરવાનાં હેતુસર એન્જેલિના જોલીને આ માનદ નાગરિકતા આપવાનો નિર્ણય કર્યો છે.