પાક. માટે નહીં જ રમું : સાનિયા

 પાકિસ્તાન ટેનિસ ફેડરેશને સાનિયા મિર્ઝાને પાકિસ્તાનના ઐસામ-ઉલ-હક સાથે જોડી બનાવવા પ્રસ્તાવ મૂક્યો હતો. સાનિયા મિર્ઝાએ પાકિસ્તાન ટેનિસ ફેડરેશનના આ પ્રસ્તાવનો છેદ ઉડાવી દીધો છે. આ ઉપરાંત સાનિયા મિર્ઝાએ પાકિસ્તાન માટે રમવાના પ્રસ્તાવને ફગાવી દીધો છે. સાનિયા મિર્ઝાએ જણાવ્યું હતું કે મને પાકિસ્તાન ટેનિસ ફેડરેશને અનેક વાર પાકિસ્તાન માટે ટેનિસ રમવા પ્રસ્તાવ મૂક્યો છે. પરંતુ હું કાયમ ભારત માટે જ રમવા માગું છું. નિવૃત્તિ બાદ ઓફર મળશે તો માત્ર ભારતીય પ્લેયરોને જ કોચિંગ આપીશ.