મડગામ 28, એપ્રિલ
ગોવાનાં એક ડિપાર્ટમેન્ટલ સ્ટોરમાં બંધ થઈ ગયેલ એક ફોરેન દંપતીને બહાર કાઢવામાં આવ્યાં હતાં. આ દંપતિ શુક્રવારની રાત્રે સ્ટોરમાં બંધ થઈ ગયું હતું. ગોવાનાં મડગામમાં આવેલાં એક ડિપાર્ટમેન્ટલ સ્ટોરમાં આખી રાત બંધ રહેલાં વિદેશી દંપતીનો પોલીસે શનિવારે સવારે મુક્ત કરાવ્યાં હતાં.
જો કે આ વિદેશી દંપતી સંજોગોવશાત સ્ટોરમાં રાત્રિનાં સમયે બંધ થઈ ગયું હતું. સ્ટોરનાં માલિકે આ દંપતીને ચોર સમજી પોલીસને જાણ કરી હતી. મડગામનાં પોલીસ અધિક્ષક સુદેશ નાયકે જણાવ્યું હતું કે અમે દંપતીની પૂછપરછ કરી હતી. તેઓ સામાન ખરીદવા માટે સ્ટોરમાં આવ્યા હતાં, પરંતુ અચાનક સ્ટોર બંધ થઈ જતાં તેઓ ફસાઈ ગયાં હતાં.
આ વિદેશી દંપતી ચોરી કરવાનાં ઈરાદાથી દાખલ થયું ન હતું. સ્ટોરનું શટર બંધ થઈ જતાં તેઓએ બૂમો પાડી હતી, પરંતુ કોઈનાં દ્રારા બૂમો ન સાંભળતાં તેઓ સ્ટોરમાં જ સૂઈ ગયાં હતાં. વિદેશી દંપતી વિઝીટર વિઝા પર ભારત ફરવા આવ્યાં છે અને કોલવા દરિયા કિનારેની હોટલમાં તેઓ રોકાયાં છે.