લંડન 28, એપ્રિલ
'પ્લેબોય'ની ભૂતપૂર્વ મોડલ રહી ચૂકેલી બ્રિટિશ મોડલ, અભિનેત્રી કેલી બ્રૂકે એક્ટિંગ કરિયરને તિલાંજલિ આપી દીધી છે. 'પિરાન્હા થ્રી-ડી' ફેઇમ અભિનેત્રીનું કહેવું છે કે લોસએન્જેલસમાં રહેવું તેના માટે ખૂબ કંટાળાજનક બની ગયું હતું.
"લોસએન્જેલસમાં રહેવાની શરૃઆતમાં મજા આવી પરંતુ હવે કંટાળો આવે છે અને મારે એક્ટિંગ કરિયર આગળ વધારવી હોય તો અમેરિકામાં કાયમી વસવાટ કરવો જ પડે, જે શક્ય ન હોવાથી મેં એક્ટિંગ કરિયર છોડી દીધી છે." તેમ ૩૨ વર્ષીય કેલીએ ઉમેર્યું હતું.
સ્કોટલેન્ડના ભૂતપૂર્વ રગ્બી પ્લેયર થોમસ ઇવાન્સ સાથે ડેટિંગ કરી રહેલી કેલી હાલમાં 'કીથ લેમનઃ ધ ફિલ્મ' નામની બ્રિટિશ ફિલ્મમાં કામ કરી છે, જે એક્ટ્રેસ તરીકે તેની અંતિમ ફિલ્મ બની રહે તો નવાઇ નહીં.