આવું કરવાથી વધે છે પીડા:અભ્યાસ

લંડન, તા. 01

જો તમને વધુ પીડા થવાની બીકે કે ઈંજેકશનના ડરથી વધુ ડરી ગયા હોવ તો આ અંગે ફરીથી વિચારી લેજો. વૈજ્ઞાનિકોનું માનવું છે કે પીડા માત્ર તમને મસ્તિષ્કમાં થાય છે.

જાપાન અને જર્મનીના કેટલાક શોધકર્તાઓનો દાવો છે કે તેમને કરેલ બે અભ્યાસમાં જોવા મળ્યું કે પીડા, મગજ અને શરીરની વચ્ચે જટિલ પ્રતિક્રિયાનો હિસ્સો છે. એક અહેવાલ પ્રમાણે ઈંજેકકશન લગાવતા સમયે દુખ અનુભવ કરવા અને તેને જોવાથી થતું દર્દ વધુને વધુ પીડા આપતું હોય છે. જ્યારે આની પરથી લક્ષ્ય હટાવાથી કે પીડા વિશે વધુ વિચાર ન કરવાથી દર્દ નથી થતું.

પહેલા અભ્યાસમાં હિરોશિમા યુનિવર્સિટીના એક જૂથે પોતાના પ્રયોગ દરમિયાન 19 લોકોને દુખી, ખુશી અને ભાવનાહીન ચહેરાની છબિઓ દેખાડી હતી. આ પ્રયોગમાં લોકોએ છબિ જોઈને પીડા અંગેના મંતવ્યો રજૂ કર્યા હતા.