વિરમગામ, તા.૩
અમદાવાદ જિલ્લાના ગ્રામ્ય વિસ્તારના નવા નિમણૂક પામેલા સુપ્રિટેન્ડેન્ટ ઓફ પોલીસ (એસ.પી.) ગગનદીપ ગંભીરની સૂચનાઓને અનુસરતા આપી એલસીબી ટીમે નાની થોરી ખાતે છાપો મારીને એક મકાનમાંથી ૭૫૦ મીલીની વિસ્કી બોટલ કુલ ૭૨ નંગ, ૧૮૦ મી.લી.ની ૪૩૫ નંગ બોટલો મળી કુલ ૫૬૦૨૫નો માલ ઝડપી લીધો હતો.
ઝડપાયેલો માલ ગગજીભાઇ વાલજીભાઇ કો. પટેલ નાની થોરી ગામના માજી સરપંચ હોવાનું જણાવ્યું હતું. છાપા દરમ્યાન માજી સરપંચ છૂ થઇ ગયા હતા. ત્યારે તાલુકાના મોટી કીશોલ ખાતે સી.આર.રાણા પીએસઆઈએ છાપો મારીને ૧૫ નંગ રકમ સાથે કુલ ૬૨૫૦નો મુદ્દામાલ કબ્જે લઇ બહાદુર જેઠાભાઇ દેવીપૂજક અને નાનીસીંગ કાનજીભાઇ બારીયાને ઝડપી લઇ કાયદેસર કાર્યવાહી હાથ ધરી હતી. ઉલ્લેખનીય છે કે અગાઉ પણ આ ગામની સીમમાંથી દેશી તથા વિદેશી શરાફ ઝડપાયો હતો.