મુંબઈ 10, મે
ક્રિકેટનાં માસ્ટર બ્લાસ્ટર સચિન તેંડુલકર ક્રિકેટનાં મેદાનમાંથી રાજ્યસભામાં તો આવી ગયાં છે, પરંતુ હવે તે વધુ પ્રગતિ કરવા માંગે છે. સૂત્રોનાં જણાવ્યાં અનુસાર સચિન નિર્દેશક વિધુ વિનોદ ચોપરાની ફિલ્મ 'ફરારી કી સવારી' માં અભિનેતા તરીકે જોવા મળી શકે છે.
હાલમાં જ રાજ્યસભાનાં સભ્ય બનેલાં સચિન હવે આ ફિલ્મમાં અતિથિની ભૂમિકામાં પણ જોવા મળી શકે છે. જો કે આ ફિલ્મનું શુટિંગ આઈપીએલ5 ની મેચ પૂરી થયા બાદ થઈ શકે છે.
આ ફિલ્મ અંગે વિધુ વિનોદ ચોપરાએ જણાવ્યું હતું કે, "મને આનંદ છે કે મારી ફિલ્મમાં સચિન જોવા મળશે. જો કે આ ફિલ્મમાં સચિન અતિથિની ભૂમિકામાં જોવા મળશે, બાકી વધુ હું ફિલ્મ વિશે કહી શકું તેમ નથી." જો કે વિધુ ચોપરા અને સચિનનાં પરિવારમાં પહેલેથી જ સારા સંબંધો છે.
આ ફિલ્મ 15મી જૂને રિલીઝ થશે. આ ફિલ્મમાં એક એવા બાળકની કહાની છે, જે ક્રિકેટર બનવા માંગે છે. બાળકનાં પિતા તરીકે શરમન જોષી અને દાદા તરીકે બમન ઈરાની ફિલ્મમાં રોલ કરશે, પરંતુ ફિલ્મમાં જ્યારે શરમન જોષી જ્યારે સચિનની ફરારી ચોરવાની જાય છે, ત્યારે આ ફિલ્મમાં ક્લાઈમેક્સ આવે છે.