નડિયાદ :
નડિયાદ - કપડવંજ રોડ પર આવેલા કોર્ટ કેમ્પસ રહેણાંક વિસ્તારમાં એક મકાનમાં ચોરીનો પ્રયાસ કરતા ત્રણ ઈસમો ઝડપાઈ ગયા હતા. ફરિયાદી ડૉ.અમનભાઈ તારાચંદ મહેશ્વરીએ નડિયાદ ટાઉન પોલીસમાં કરેલી ફરિયાદમાં જણાવાયું છે કે તા. ૯-૫-૨૦૧૨ના રોજ સવારે ૯-૪૫ કલાકે ત્રણ ઈસમો તેમના મકાનના પાછળ બેડરૂમની ગેલરીના સળિયા તોડી અંદર પ્રવેશવાનો પ્રયાસ કરતા હતા. તે દરમિયાન કોર્ટના પટાવાળાની નજર તે ત્રણ અજાણ્યા ઈસમો પર પડતાં બૂમાબૂમ કરી હતી, અને કોર્ટ કેમ્પસમાં ફરજ પરની પોલીસ આવી પહોંચતા એક ૧૬ વર્ષનો કિશોર ઝડપાઈ ગયો હતો. જ્યારે અન્ય બે ઈસમો ફરાર થઈ ગયા હતા. જો કે પોલીસે ઝડપાઈ ગયેલા કિશોરની પુછપરછ અને સઘન તપાસ કરતાં અન્ય બે ઈસમોની પણ ઓળખ થઈ હતી. તે બંને દિનેશ દિલીપભાઈ તળપદા અને ભૂપત શાંતિભાઈ મારવાડી સામે પણ પોલીસે કાયદેસરની કાર્યવાહી હાથ ધરી છે.