મુંબઈ,14 મે
બોલિવૂડ હોય કે હોલિવૂડ વિલિયમ શેક્સપિયરની રચનાઓ હંમેશા નિર્દેશકોને ફિલ્મો માટે પ્રેરણારૂપ બનતી રહી છે. વિશાલ ભારદ્વાજ બાદ શેક્સપિયરની રચના 'હેમલેટ' પર પાન સિંહ તોમર ફેમ તિગ્માંશુ ધૂલિયા ફિલ્મ બનાવવાની તૈયારી કરી રહ્યાં છે.
તિગ્માંશુએ આ ફિલ્મમાં લીડ રોલ માટે અભિષેક બચ્ચનની પસંદગી કરી છે. ફિલ્મનું નિર્દેશન ધૂલિયા કરશે અને નિર્માણ અભિષેકનાં મિત્ર ગોલ્ડી બહલ કરશે. હાલમાં આ ફિલ્મની સ્ક્રિપ્ટ પર કામ ચાલી રહ્યું છે.
ઉલ્લેખનીય છે કે વિશાલ ભારદ્વાજ અગાઉ શેક્સપિયરની નવલકથા ઓથેલો પર ફિલ્મ 'ઓમકારા' અને મેકબેથ પર ફિલ્મ 'મકબૂલ' બનાવી ચૂક્યાં છે.