મુંબઈ, 15 મે
મેગાસ્ટાર અમિતાભ બચ્ચન 'રસના ગર્લ' નામથી પ્રખ્યાત બાળ કલાકાર તરુણી સચદેવની મોતથી હતાશ થઈ ગયાં છે. તરુણીએ ફિલ્મ 'પા' માં અમિતાભ બચ્ચનનાં સહપાઠીની ભૂમિકા ભજવી હતી.
અમિતાભે શોક વ્યક્ત કરતાં ટ્વીટર પર જણાવ્યું હતું કે, મને જાણવા મળ્યું કે 'પા' ની બાળ કલાકાર તરુણી વિમાન અકસ્માતમાં મૃત્યુ પામી છે, કદાચ આ વાત સાચી ના હોત!
14 વર્ષની ઉંમરે તરુણીએ રસના સહિત 50 થી વધુ જાહેરાતોમાં કામ કર્યું હતું અને અમિતાભ સાથે તે પ્રથમ વાર ફિલ્મી પરદા પર જોવાઈ હતી. તેણે એક જાહેરાતમાં કરિશ્મા કપૂર સાથે પણ કામ કર્યું છે. વિમાન અકસ્માતમાં તરુણીની સાથે તેની માતા પણ મૃત્યુ પામી હતી.
21 સભ્યોને લઈને જઈ રહેલાં ભારતીય અગ્નિ એર વિમાનમાં 18 યાત્રીઓ સાથે 3 ક્રૂ મેમ્બર હતાં. વિમાન દુર્ઘટનામાં 15 લોકોનં મોત થયાં હતાં,જેમાં 13 ભારતીયો હતાં. વિમાન નેપાળનાં પર્યટન સ્થળ જોમસોમ પર લેન્ડ કરવા જઈ રહ્યું હતું ત્યારે અચાનક વિમાન ક્રેશ થઈ ગયું હતું.