વોશિંગ્ટન, 21 મે
અમેરિકાનાં એક દંપતિને માત્ર મજાકમાં ને મજાકમાં પોતાના પુત્રને વોશિંગમશીનમાં નાખી દીધો હતો, જો કે આ ઘટના માતા પિતા માટે સબક બની ગઈ હતી. આ ઘટના 11મી મેનાં દિવસે અમેરિકાનાં એક ઈલેક્ટ્રોનિક્સનાં શૉ રૂમમાં બની હતી.
આ ઘટના શૉ રૂમનાં સીસીટીવી કેમેરામાં કેદ થઈ ગઈ હતી. માતા પિતાએ માત્ર મજાક ખાતર પોતાના પુત્રને વોશિંગ મશીનમાં નાખ્યો હતો, પરંતુ વોશિંગ મશીન ઓટો સ્ટાર્ટ હોઈ તે ચાલવા લાગ્યું હતું. તે જોઈ માતા પિતા ગભરાઈ ગયાં હતાં.
તેમણે બૂમાબૂમ કરી એક કર્મચારીને બોલાવ્યો હતો અને ત્યારબાદ બાળકને વોશિંગ મશીનની બહાર કઢાયો હતો. જો કે બાળકને કોઈ ઈજા પહોંચી ન હતી. કહેવાય છે કે 'રામ રાખે તેને કોણ ચાખે!'