દુબઈ, 22 મે
દુબઈમાં વસતા એક ભારતીય વિદ્યાર્થીને ધોરણ-12માં ઈન્ડીયન સ્કુલ સર્ટિફિકેટ પરીક્ષામાં 99.5 ટકા આવ્યા છે. બોર્ડના ઈતિહાસમાં પ્રથમ વખત આવું બન્યું છે.
રોહન સંપત નામના આ વિદ્યાર્થીને ગણિતમાં 100, ફિઝિક્સમાં 100, કોમ્પ્યુટર સાયન્સમાં 100, અંગ્રેજીમાં 98 અંક મળ્યા છે. રોહનની સ્કુલ દુબઈ મોડર્ન હાઈ સ્કુલે કહ્યું કે આઈએસસી પરીક્ષાઓમાં આમ થનાર તે પ્રથમ વિદ્યાર્થી છે.
નર્સરીથી જ આ સ્કુલમાં અભ્યાસ કરનાર 18 વર્ષીયની શાનદાન ઉપલબ્ધીનો શ્રેય સ્કુલે તેના વાલી તેમજ શિક્ષકોને આપ્યો છે.