ચેન્નાઈ, તા.૨૭
આઈપીએલમાં સ્પોટ ફિક્સિંગ સંડોવણી બહાર આવ્યા બાદ દરેક મેચને ક્રિકેટપ્રેમીઓ શંકાની નજરે જોઈ રહ્યા છે. આવા સમયે એક મોબાઈલ ર્સિવસ પ્રોવાઈડર કંપનીના એસએમએસના કારણે ફિક્સિંગની શંકા મજબુત બનતો કિસ્સો બહાર આવ્યો છે. મોબાઈલ ર્સિવસ પ્રોવાઈડર કંપની તેમના ગ્રાહકોને એક એસએમએસ મોકલ્યો હતો જેમાં રવિવારે ચેન્નાઈ અને કોલકાતા વચ્ચે ફાઈનલ મેચ રમાશે તેવો ઉલ્લેખ કર્યાે હતો. નવાઈની વાત એ છે કે આ એસએમએસ શુક્રવારે સવારે મોકલવામાં આવ્યો હતો. જ્યારે દિલ્લી અને ચેન્નાઈ વચ્ચેની મેચ રમાઈ ન હતી. ક્વોલિફાય-૨ની મેચ રમાય વગર પ્રોવાઈડર કંપનીએ ફાઈનલમાં ચેન્નાઈ અને કોલકાતા વચ્ચેનો મુકાબલો નિશ્ચિત બનાવી દીધો હતો. ર્સિવસ પ્રોવાઈડર કંપનીએ આ મુદ્દે સફાઈ આપી હતી કે ફોર્મેટની સમજતા ભૂલ થઈ હતી જેના કારણે આવો એસએમએસ મોકલી દેવામાં આવ્યો હતો. આ ઉપરાંત ફેસબુક પેજ અને કોલકાતા નાઈટ રાઈડર્સની વેબસાઈટ પર ચાર દિવસ પહેલાં કોલકાતા અને ચેન્નાઈ વચ્ચે ફાઈનલ છે તેમ જણાવી દેવામાં આવ્યું હતું.