મુંબઈ, 28 મે
સપ્તાહનાં પ્રથમ ટ્રેડિંગ દિવસે આજે સવારથી જ શેર માર્કેટમાં તેજી જોવા મળી હતી અને શેર માર્કેટ તેજી સાથે જ બંધ થયાં હતાં. બીએસઈ સેન્સેક્સ 199.02 અંક વધી 16,416.84 પર બંધ થયો હતો અને નેશનલ સ્ટોક એક્સચેન્જમાં નિફ્ટી સેન્સેક્સ 65.25 અંક વધી 4985.65 પર બંધ થયો હતો.
બોમ્બે સ્ટોક એક્સચેન્જમાં બેંક, પાવર અને કન્ઝ્યૂમર ડ્યૂરેબલ્સનાં સ્ટોક્માં સૌથી વધુ તેજી જોવા મળી હતી અને આજે શેર માર્કેટમાં કોઈપણ સ્ટોકમાં ઘટાડો નોંધાયો ન હતો.
નેશનલ સ્ટોક એક્સચેન્જમાં ભેલ, ટાટા પાવર અને પીએનબીમાં સૌથી વધુ તેજી જોવા મળી હતી, જ્યારે મારૂતિ, બીપીસીએલ અને ગેલનાં સ્ટોકમાં સામાન્ય ઘટાડો નોંધાયો હતો.