ભાવનગર જિલ્લાના ર૬ પી.એસ.આઈ.ની બદલી

રાજયમાં વિદ્યાનસભાની ચૂંટણી પૂર્વે ગૃહ વિભાગ દ્વારા ગઈકાલે મોડીરાત્રીના સમયે પોલીસ સબ ઈન્સ્પેકટર (પીએસઆઈ)ની મોટાપાયે બદલી કરવામાં આવેલ છે. રાજયના આશરે કુલ ૬૪૮ પીએસઆઈની બદલી કરવામાં આવેલ છે જેમાં ભાવનગર શહેર અને જિલ્લામાં ફરજ બજાવતા ર૬ પીએસઆઈની જુદા જુદા જિલ્લામાં બદલી કરવામાં આવેલ છે જયારે અન્ય જિલ્લામાંથી ૧૮ પીએસઆઈને ભાવનગરમાં મુકવામાં આવશે.

એલસીબી પી.આઈ. વાઢેરે ચાર્જ છોડયો : દેસાઈને મુકાયા

ભાવનગર જિલ્લા પોલીસ તંત્રમાં લોકલ ક્રાઈમ બ્રાંચમાં આશરે છેલ્લા સાડા ત્રણ વર્ષથી પોલીસ ઈન્સ્પેકટર તરીકે એસ.એફ.વાઢેર ફરજ બજાવી રહ્યાં હતાં. થોડા દિવસ પૂર્વે તેઓની બદલી જામનગર થતા તેઓએ આજે મંગળવારે સાંજના સમયે ચાર્જ છોડી દીધો છે અને તેઓ જામનગર જવા રવાના થયેલ છે. ભાવનગરની લોકલ ક્રાઈમ બ્રાંચમાં અત્યાર સુધીમાં સૌથી વધારે સાડા ત્રણ વર્ષ પી.આઈ. વાઢેર રહ્યાં હતાં. હાલ લોકલ ક્રાઈમ બ્રાંચમાં પોલીસ ઈન્સ્પેકટર તરીકે ઝેડ.આર.દેસાઈને મુકવામાં આવેલ છે.