મુંબઈ, 16 ઓગસ્ટ
ગુરૂવારે પણ શેરબજારમાં નરમાઈનો દોર જળવાયેલો રહ્યો છે. મુંબઈ શેરબજારનો સૂચકાંક સેન્સેક્સ આજે શરૂઆતના ટ્રેડિંગમાં 19.49 પોઈન્ટની નરમાઈ સાથે 17,708 પર ખુલ્યો હતો. 30 શેર આધારીત સેન્સેક્સ ગત્ 2 સેશનમાં લગભગ 171 પોઈન્ટ મજબૂત થયો છે.
તેમજ નેશનલ સ્ટોક એક્સચેન્જનો સૂચકાંક નિફ્ટી સેન્સેક્સ શરૂઆતના ટ્રેડિંગમાં 5.10ની નરમાઈ સાથે 5,375.25 સ્તર પર નોંધાયો હતો. આજે સંસદમાં કેગની 3 રિપોર્ટ રજૂ થવાની છે, જેમાંથી એક રિપોર્ટ કોલ માઈન્સ પર છે. આ રિપોર્ટમાં કેગે જણાવ્યુ છે કે, પ્રાઈવેટ કંપનીઓને 1.86 લાખ કરોડ રૂપિયાનો ફાયદો થયો છો. એવુ માનવામાં આવી રહ્યુ છે કે, સંસદમાં રજૂ થઈ રહેલ આ રિપોર્ટના કારણે જ શેર બજારમાં નરમાઈ જોવા મળી છે.