લાલ કિતાબમાં જણાવેલા રાશિ અનુસાર ઉપાયો

મેષ રાશિ

• કોઈની પાસેથી કોઈ વસ્તુ મફતમાં લેવી નહીં.
• હાથીદાંતમાંથી બનાવેલી કોઈ પણ વસ્તુ જાતક માટે હાનિકારક છે.
• લાલ રંગના રૂમાલનો હંમેશાં ઉપયોગ કરવો.
• સાંજ ઢળતાં ઘઉં અને ગોળ બાળકોને વહેંચવાં.
• જમણા હાથમાં ચાંદીનો વેઢલો ધારણ કરવો.
• સાધુ-સંતો, માતા અને ગુરુજીની સેવા કરવી.
• સદાચારનું સદૈવ પાલન કરવું.
• ગળી વસ્તુઓનો વ્યાપાર કરવો નહીં.
• પ્રાંગણમાં લીમડાનું વૃક્ષ ઉછેરવું.
• રાત્રે સૂતી વખતે ઓશિકા પાસે એક પ્યાલામાં પાણી ભરીને મૂકવું. સવારે આ જળને કોઈ ફૂલછોડના ક્યારામાં નાખી દેવું.
• પુત્ર-રત્નના જન્મ દિવસે નમકીન વસ્તુ વહેંચવી.
• વૈદિક નિયમોનું હંમેશાં પાલન કરવું.
• બહેન-દીકરી અને ફોઈને ઉપહારમાં મીઠાઈ આપવી.
• ગળી રોટલી ગાયને ખવડાવવી.
• વિધવાઓને મદદ કરવી અને તેમના આશીર્વાદ મેળવવા.

વૃષભ રાશિ

• પરસ્ત્રીની સોબત કરવી નહીં.
• મગની દાળનું દાન કરવું.
• શનિવારે સરસિયું, અળસી અથવા તલના તેલનું દાન કરવું.
• અર્ધાંગિનીને દરરોજ કંઈક ને કંઈક વસ્તુ આપવી.
• શુક્રવારના દિવસે ઉપવાસ કરવો.
• દૂધ, દહીં, ઘી અને કપૂર ધર્મસ્થાનો પર ચઢાવવાં.
• વસ્ત્રોમાં અત્તર વગેરેનો ઉપયોગ કરવો.
• ગૌ-દાન કરવું.
• ચોખ્ખાં અને બહુ જૂનાં ન હોય તેવાં કપડાં ધારણ કરવાં.
• નવાં પગરખાં જાન્યુઆરી, ફેબ્રુઆરી મહિનાઓમાં ખરીદવાં નહીં.
• ચાંદી અથવા પ્લેટિનમના વેઢલા ધારણ કરવા.
• ચોખા અથવા ચાંદીમાંથી એક વસ્તુ હંમેશાં પાસે રાખવી.
• ચાંદીનો ટુકડો લીમડાના વૃક્ષ નીચેની જમીનમાં દાટવો.

• કોઈની સાથે દગાબીજી કરવી નહીં.
• ઘરમાં મની પ્લાન્ટ ઉગાડવો.

મિથુન રાશિ

• તામસિક ભોજનનો ત્યાગ કરવો.
• માછલીઓને બંધનમુક્ત કરવી.
• ફટકડી દ્વારા દાંત સાફ કરવા.
• પાલતુ પશુ-પક્ષી પાળવા નહીં.
• ચોખા અને દૂધ ધર્મસ્થાનોમાં ચઢાવવાં.
• માતા તથા બાર વર્ષથી નાની કન્યાઓના આશીર્વાદ મેળવવા.
• મગ પલાળીને કબૂતરોને ખવરાવવા.
• પોપટ, ઘેટું, બકરી વગેરે પાળવા નહીં.
• સૂર્યની વસ્તુઓનું દાન કરવું.
• ગુરુ સાથે સંબંધિત ઉપાય દરેક કાર્યમાં સફળતા અપાવશે.
• ઘરમાં મની પ્લાન્ટ ઉગાડવો નહીં.
• વાદળી કે તેના જેવા લાગતા રંગોનો ઉપયોગ કદી કરવો નહીં.
• જમણા હાથમાં ચાંદીનો વેઢલો ધારણ કરવો.
• માટીના વાસણમાં દૂધ ભરી તે નિર્જન સ્થાનમાં દાટવું.
• લીલા રંગની શીશીમાં ગંગાજળ ભરી તે સૂમસાન જગ્યાએ દાટવું.

કર્ક રાશિ

• નદી પાર કરતી વખતે તેમાં તાંબાનો સિક્કો પ્રવાહિત કરવો.
• માતા પાસેથી ચાંદી અને ચોખા મેળવીને તેને પોતાની પાસે રાખવા.
• પલંગમાં તાંબાની ખીલી જડવી.
• ચાંદીના વાસણમાં દૂધ અને પાણી પીવાં.
• ઘરના પાયામાં ચાંદીનો ટુકડો દાટવો.
• ચોખા, ચાંદી, દૂધ વગેરે દીકરી અથવા સંતાનને આપવાં.
• ઘઉં, ગોળ અને તાંબાનું દાન કરવું.
• દુર્ગા સપ્તશતીનો પાઠ કરવો અને કન્યાદાનમાં ઉપયોગી સામાન આપવો.
• સફેદ વસ્તુઓમાંથી બનેલી વસ્તુઓનો વ્યાપાર કરવો નહીં.
• માતાની સલાહનું પાલન કરવું.
• ધાર્મિક પ્રસંગોને હંમેશાં કાર્યનું રૂપ આપવું.
• ઘરમાં સસલું પાળવું નહીં.
• સદાચારનું હંમેશાં પાલન કરવું.
• પિતૃઓના નિમિત્તનું ભોજન પંખીઓને ખવરાવવું
• જો આપ ડોક્ટર હો તો રોગીઓને મફત દવા આપવી.

સિંહ રાશિ

• ઘરના છેલ્લા ભાગના જમણા તરફનો રૂમ અંધારિયો રાખવો.
• ઘરમાં હેન્ડપમ્પનો ઉપયોગ કરવો.
• ચોખા, ચાંદી અને દૂધનું દાન કરવું.
• મફતની કોઈ વસ્તુ કોઈની પાસેથી સ્વીકારવી નહીં.
• અખરોટ અને નાળિયેરનું તેલ ધર્મસ્થાનોમાં આપવું.
• માતા અને દાદી પાસેથી આશીર્વાદ મેળવવા.
• સુરદાસ (અંધ વ્યક્તિ)ને ભોજન કરાવવું.
• નશીલાં દ્રવ્યોનું સેવન કરવું નહીં.
• તાંબાનો સિક્કો ખાખી દોરામાં પરોવીને ધારણ કરવો.
• પોતાના વચનનું પાલન કરવું.
• વૈદિક અને સદાચારના નિયમોનું પાલન કરવું.
• સાળા, જમાઈ અને ભાણેજની સેવા કરવી.
• લાલ માંકડાને ગોળ-ઘઉંનું ભોજન કરાવવું.
• ચાંદી અથવા તેમાંથી બનેલી વસ્તુ હંમેશાં પાસે રાખવી.

કન્યા રાશિ

• દીકરીને પ્રેમ અને સ્નેહ આપવાં.
• પન્ના રત્ન ધારણ કરવું.
• પુત્રીને ચાંદીની નથણી પહેરાવવી.
• છત પર વરસાદનું જળ કોઈ પાત્રમાં રાખવું.
• નવાં વસ્ત્ર ધારણ કરતાં પહેલાં તેને નદીના જળથી ધોવાં.
• લીલા રંગનો રૂમાલ પાસે રાખવો.
• ઘરમાં લીલા રંગનો ઉપયોગ કરવો નહીં.
• ઘરમાં તુલસીનો છોડ રાખવો, પરંતુ મની પ્લાન્ટનો છોડ ઉછેરવો નહીં.
• નશીલાં દ્રવ્યોનું સેવન કરવું નહીં.
• શનિ ગ્રહ સંબંધી ઉપાય કરવો.
• પહોળાં પાનવાળાં વૃક્ષ ઘરમાં ઉછેરવાં નહીં.
• ઢાંકણ સાથેનો ઘડો નદીમાં પ્રવાહિત કરવો.
• ભૂરા રંગનો કૂતરો પાળવો નહીં.
• દુર્ગા સપ્તશતીનો પાઠ કરવો અને નાની કન્યાઓના આશીર્વાદ મેળવવા.
• આપેલા વચનને યાદ રાખવું અને તેનું પાલન કરવું.
• કોઈને પણ અપશબ્દ કહેવો નહીં.
• કોઈની ઉપર ક્રોધ કરવો નહીં.
• બુધવારના દિવસે ઉપવાસ કરવો.
• લીલી વસ્તુઓ નદીના જળમાં પ્રવાહિત કરવી.

તુલા રાશિ

• પોતાના હિસ્સામાંથી થોડું ભોજન પશુ-પક્ષીઓ અને ગાયને ખવડાવવું.
• સાસુ-સસરા પાસેથી ચાંદી અથવા તેની કોઈ વસ્તુ મેળવીને પોતાની પાસે રાખવી.
• પત્નીએ હંમેશાં કપાળે ચાંલ્લો કરી રાખવો.
• ચાર પગવાળાં જાનવરોને પાળવાં.
• ઈશ્વર પર શ્રદ્ધા રાખવી.
• માખણ, બટાકા, દહીં વગેરેનું દાન કરવું.
• ઘરમાં સંગીત, વાદ્ય અને નૃત્યનો પરિત્યાગ કરવો.
• વૈદિક નિયમોનું પાલન કરવું.
• દરરોજ ગાયને ઘાસ નાખવું.
• સ્ત્રીનું હંમેશાં સન્માન કરવું.
• સફેદ ગાયને બાદ કરતાં અન્યને ઘાસ આપવું.
• પરમાત્માના નામે કોઈ દાનનો સ્વીકાર કરવો નહીં.
• ધર્મસ્થાનોએ જઈને પ્રાર્થના કરવી.
• ઘરના પાયામાં ચાંદી અને મધ દાટવાં.

વૃશ્ચિક રાશિ

• પીપળાનું અને વડનું વૃક્ષ કાપવું નહીં.
• વેપારી હો તો કોઈની પાસેથી ઉધાર માલ લેવો નહીં.
• ભાભીની સેવા કરવી.
• મોટા ભાઈની અવગણના કરવી નહીં.
• લાલ રૂમાલનો ઉપયોગ કરવો.
• દૂધ ઉકાળીને પાત્રની બહાર ઢળે નહીં તેનું ધ્યાન રાખવું.
• અલગ અલગ માટીનાં વાસણોમાં મધ અને સિંદૂર મૂકી ઘરમાં રાખવાં.
• પ્રાતઃકાળે મધનું સેવન કરવું.
• મંગળવારના દિવસે ઉપવાસ કરવો.
• હનુમાનજીને સિંદૂર અને ચોખા ચઢાવવાં.
• મધ, સિંદૂર અને મસૂરની દાળ નદીમાં પ્રવાહિત કરવી.
• વડીલોની સેવા કરવી.
• શુદ્ધ ચાંદીના વાસણમાં ભોજન કરવું.
• લાલ ગુલાબ દરિયામાં પ્રવાહિત કરવાં.
• ધર્મસ્થાને જઈ બૂંદી અને લાડુનો પ્રસાદ ધરાવીને વહેંચવો.

ધન રાશિ

• ધર્મસ્થાનોમાં ઘી, દહીં, બટાકા અને કપૂરનું દાન કરવું.
• ભિખારીને નિરાશ પરત ફરવા દેવો નહીં.
• ગંગાજળનું સેવન અને તેનાથી સ્નાન કરવું.
• તીર્થયાત્રા કરવી તીર્થયાત્રામાં અન્યને મદદરૂપ બનવું.
• હંમેશાં સાચું બોલવું.
• પીળો રૂમાલ હંમેશાં સાથે રાખવો.
• પિતાના પલંગ અને કપડાંનો ઉપયોગ કરવો.
• પીપળાના વૃક્ષને પાણી ચઢાવવું.
• કોઈને ઠગવું નહીં.
• ગુરુ, સાધુ તેમજ પીપળાનું પૂજન કરવું.
• બૃહસ્પતિવાર (ગુરુવાર)ના દિવસે ઉપવાસ અને વ્રત કરવું.
• હરિવંશ પુરાણનો પાઠ કરવો.
• ચાંદીના વાસણમાં હળદર લગાવીને તેને પોતાની પાસે રાખવું.
• ગરુડ પુરાણનો પાઠ કરવો.
• બ્રાહ્મણ, સાધુ અને કુલગુરુની સેવા કરવી.

મકર રાશિ

• વાંદરાની સેવા કરવી.
• દૂધમાં ખાંડ ભેળવી વડના વૃક્ષના મૂળમાં સીંચવું.
• ક્યારેય અસત્ય બોલવું નહીં.
• ભૂરી ભેંસ પાળવી.
• ઘરનો કોઈ ભાગ અંધારિયો રાખવો નહીં.
• પૂર્વ દિશાવાળા મકાનમાં રહેવું.
• કેતુ સંબંધી ઉપાય કરવા.
• ભેંસ, કાગડાઓ અને મજૂરોને ભોજન આપવું.
• નદીમાં તાંબાનો સિક્કો પ્રવાહિત કરવો.
• કાળા નીલા રંગનાં કપડાં પહેરવાં નહીં.
• હંમેશાં પોતાની પાસે સોનું અથવા કેસર રાખવું.
• અખરોટ ધર્મસ્થાનમાં ચઢાવવાં અને થોડીક ઘરે લાવીને રાખવી.
• ૪૮ વર્ષ પહેલાં ઘર બનાવડાવવું નહીં.
• ચામડાં અને લોખંડમાંથી બનેલી વસ્તુઓ ખરીદવી નહીં.
• માટીના વાસણમાં મધ ભરીને તે નિર્જન સ્થાને દાટી દેવું.

કુંભ રાશિ

• પોતાની પાસે ચાંદીનો ટુકડો રાખવો.
• મુખ્ય દ્વાર પર થોડું ઘણું અંધારું રાખવું.
• છત પર ઈંધણાં મૂકવાં નહીં.
• દક્ષિણ દિશાવાળા મકાનનો ત્યાગ કરવો.
• મકાનના પાયા અથવા ઉંબરામાં ચાંદીનો તાર દાટવો.
• ઘરના છેલ્લા ભાગની દીવાલ પર બારણું રાખવું નહીં.
• શનિવારના દિવસે ઉપવાસ અને વ્રત રાખવું.
• તેલનું દાન મંદિરમાં કરવું.
• સરસિયાનું તેલ રોટલીમાં ચોપડીને તે રોટલી ગાયને ખવરાવવી.
• ખિસ્સામાં નાની-નાની ચાંદીની ગોળીઓ રાખવી.
• દૂધથી સ્નાન કરવું.
• ઘઉં, ગોળ તથા કાંસાનું મંદિરમાં દાન કરવું.
• ચાંદીનો ચોરસ ટુકડો ગળામાં ધારણ કરવો.
• કેસર અથવા હળદરનું તિલક કરવું.
• સોનાની વીંટી આંગળીમાં ધારણ કરવી.

મીન રાશિ

• કોઈની પાસેથી દાન અથવા મદદનો સ્વીકાર કરવો નહીં.
• પોતાના ભાગ્ય પર ભરોસો રાખવો.
• રસ્તાની સામે કદી ખાડો રાખવો નહીં.
• કેસર અને હળદરનું તિલક કરવું.
• વયસ્કોની સેવા કરવી અને દુર્ગા સપ્તશતીનો પાઠ કરવો.
• કોઈની સામે સ્નાન કરવું નહીં.
• ધર્મસ્થાને જઈ પૂજા-અર્ચન કરવાં.
• કુળ પુરોહિતના આશીર્વાદ મેળવવા.
• પીપળાના વૃક્ષનું પૂજન કરવું.
• માથા પર શિખા (ચોટલી) રાખવી.
• સંતોની સેવા કરવી. સાથે ધર્મસ્થાનની સફાઈ પણ કરવી.
• બૃહસ્પતિ (ગુરુ)ગ્રહ સાથે સંબંધિત વસ્તુઓનું દાન કરવું.
• સ્ત્રીની સલાહથી વ્યાપાર કરવો.
• મંદિરમાં વસ્ત્રદાન કરવું.
• સોનાની કોઈ વસ્તુને પીળા વસ્ત્રમાં લપેટી તે પોતાની પાસે રાખવી.