લંડન,
હોલિવૂડની ખૂબસુરત અભિનેત્રી બેરીમોર ટૂંક સમયમાં જ બાળકને જન્મ આપનાર છે. પોતાના પ્રથમ બાળકને લઈને બેરીમોર અને તેના પતિ દ્વારા ઉત્સુકતાપૂર્વક રાહ જોવામાં આવી રહી છે. હોલિવૂડના પરિવાર સાથે લાંબા સંબંધો માટે બેરીમોર જાણીતી રહી છે. પતિ વિલ કોપલમન સાથે તે ખૂબ જ ખુશ છે. તેનું કહેવું છે કે હોલિવૂડની ફિલ્મોમાં તે ઘણી લોકપ્રિયતા મેળવી ચૂકી છે. ૩૭ વર્ષીય હવે થોડાક સમય સુધી બ્રેક લેવા ઇચ્છુક છે.
અભિનેત્રી માતા બનવાને લઈને ખૂબ જ ઉત્સુક છે. બેરીમોરે કબૂલાત કરી છે કે બાળપણમાં તેની વધારે કાળજી લેવામાં આવી ન હતી. પરંપરાગત રીતે બાળપણમાં તે રહી ન હતી. તેના બાળક ઉપર તે કોઈપણ પ્રકારનું દબાણ લાવવા ઇચ્છુક નથી. અમેરિકન અભિનેત્રી, ફિલ્મ નિર્દેશક અને પટકથાકાર તેમજ મોડલ તરીકે બેરીમોર ખૂબ જ સફળ સાબિત થઈ ચૂકી છે. બેરીમોર ૧૧ મહિનાની હતી ત્યારે જ પ્રથમ વખત જાહેરાતમાં દેખાઈ હતી. તેની યાદગાર ફિલ્મોમાં ૫૦ ફસ્ટ ડેટ, પોઈઝન આઈવી અને ર્ચાિલસ એન્જલ્સનો સમાવેશ થાય છે.