જ્હોનિસબર્ગ, 15 ઓક્ટોબર
દક્ષિણ આફ્રિકામાં એક મ્યૂઝિક ટીચરે ભારતીય મુળના એક હિંદુ યુવકની જાતિય સતામણી કર્યાનો કિસ્સો બહાર આવ્યો છે. ટીચર પર યુવકના માતા પિતાએ આરોપ લગાવ્યો છે કે ટીચરે યુવક સાથે છેલ્લા ત્રણ વર્ષથી અયોગ્ય વર્તન કરી તેની સાથે જાતીય સતામણી કરી છે. ટીચર પર આરોપ છે કે તેણે યુવક પર ધર્મ તેમજ પહેરવેશ આધારીત ટીપ્પણી કરી હતી.
દક્ષિણ આફ્રીકાની એક સ્કુલમાં વ્યવસાયે મ્યુઝીક ટીચર તરીકે ફરજ બજાવતી સીબલ જોર્ડાન વિરુદ્ધ યુવકના માતા પિતાએ આ સમગ્ર પ્રકરણને લઇને દક્ષિણ આફ્રીકાના માનવ અધિકાર પંચમાં ફરિયાદ કરી છે. માનવ અધિકાર પંચે ટીચરની વિરુદ્ધ ફરિયાદ દાખલ કરી તેમની પાસેથી આ સમગ્ર પ્રકરણમાં જવાબ માગ્યો છે.