મુંબઈ
સલમાનની પ્રેમિકા કેટરીના કૈફ સલમાનના દુશ્મન એવા વિવેક ઓબેરોય સાથે કામ નહીં કરે. મુંબઈમાં પત્રકારો સાથેની વાતચીતમાં કેટરીના કૈફે આ વાત સ્પષ્ટ કરી હતી. જોકે તેણે તરત ઉમેર્યું હતું કે બોલિવૂડમાં તે પોતાના નિર્ણય પોતાની મેળે જ લે છે નહીં કે સલમાન ખાનની મદદથી. સલમાન ખાન અને વિવેક ઓબેરોયને ઐશ્વર્યા રાયને લઈને વિવાદ થયો હતો. ઐશ્વર્યાએ સલમાન ખાનને છોડીને વિવેક સાથે મિત્રતા વધારી હતી આ બાદ વિવેકે પત્રકાર પરિષદમાં સલમાન પર આક્ષેપ કર્યો હતો કે, તે ધાકધમકીઓ આપી પછી મામલો ઠંડો પડી ગયો હતો. આ બાદ વિવેકે સલમાન સાથે સંબંધો સુધારવાની કોશિશ પણ કરી હતી પરંતુ સલમાન તેની સાથે મિત્રતામાં કોઈ રસ ન હોવાનું સ્પષ્ટ કર્યું હતું.
કેટરીનાની તાજેતરમાં જ રિલીઝ થયેલી ફિલ્મ ન્યૂયોર્કને વિવેચકો અને દર્શકોએ વખાણી હતી જેથી કેટરીના કૈફ હાલમાં ખૂબ ખુશ છે પરંતુ સલમાનને આ ફિલ્મ પસંદ પડી કે નહીં તે અંગે કેટરીનાએ કોઈ જવાબ આપવાનો ઈનકાર કર્યો હતો. તેણે કહ્યું હતું કે, જો પત્રકારોને આ પ્રશ્નનો જવાબ જોઈતો હોય તો સલમાનના સેક્રેટરીને પૂછવું જોઈએ.