મુંબઈ : તા. 30
મુંબઈ શેરબજારનો સૂચકાંક સેન્સેક્સ બુધવારે શરૂઆતી વ્યાપાર સત્ર દરમિયાન 17 હજારનો મહત્વપૂર્ણ આંકડો પાર કરી ગયો હતો. સેન્સેક્સે 16 મહિનામાં પ્રથમ વખત આ સપાટી હાંસલ કરી છે.
આ પહેલા સેન્સેક્સ બુધવારે વ્યાપાર શરૂ થતા જ 15.55 ના ઉછાળા સાથે 16,868.46 પર ખુલ્યો હતો પરંતુ બાદમાં તેમાં તેજી આવી ગઈ અને તે 17 હજારના મનોવૈજ્ઞાનિક સ્તરથી આગળ પહોંચી ગયો હતો.
નેશનલ સ્ટોક એક્સચેન્જ (એનએસઈ)નો 50 શેરો પર આધારિત સૂચકાંક નિફ્ટી પણ 0.80 પોઈન્ટની તેજી સાથે 5,007.65 પર ખુલ્યો અને સવારે 11 વાગ્યેને 50 મિનિટે 49.6 ના ઉછાળા સાથે 5,056 પર જ્યારે સેન્સેક્સ 194.4 ના ઉછાળા સાથે 17,047 પર વ્યાપાર કરી રહ્યો હતો.