મુંબઈ
કરીના કપૂર તેના બોયફ્રેન્ડ સૈફ અલી ખાન સાથે ક્યારે લગ્ન કરશે તેવી વાત મીડિયામાં રોજ ચમકે છે ત્યારે કરીના કપૂરે કહી દીધું છે કે તે સલમાન પછી લગ્ન કરશે. ‘મૈં ઔર મિસિસ ખન્ના’ફિલ્મમાં સલમાનની પત્ની બનેલી કરીના પત્રકારો સાથેની વાતમાં કહ્યું હતું કે, હું સલમાનખાન લગ્ન કરી લેશે ત્યાર બાદ લગ્ન કરવાનું વિચારી રહી છું. થોડા સમય પહેલા એક પત્રકાર પરિષદમાં તેણે કહ્યું હતું કે, પુરુષમાં જે પ્રકારનાં લક્ષણો જોઈએ તે બધાં જ લક્ષણો સલમાનમાં છે અને હું એક રીતે તેને પ્રેમ કરું છું.
‘મૈં ઔર મિસિસ ખન્ના’ ની વાત કરતા તેણે કહ્યું હતું કે, સલમાન સાથે કામ કરવાની મજા આવે છે. બન્ને વચ્ચે ૧૪ વર્ષનો તફાવત હોવા છતાં ફિલ્મમાં ટયુનિંગ સારું રહ્યું હતું. સલમાન અને કરીનાના લગ્નની વાતો હંમેશા ચર્ચાતી રહે છે ત્યારે કરીનાનો આ જવાબ તેની હાજર જવાબીનું ઉદાહરણ છે.