મુંબઈ : તા. 2
વિદેશમાં રહેતા ભારતીયો હવે અનિલ અંબાણીની વેબસાઈટ બિગ ફ્લિક્સ પર કોઈ પણ ચાર્જ વિના ફિલ્મો નિહાળી શકશે. ભારતીયો સહિત લગભગ સિત્તેર લાખ એશિયનોને પણ આ લાભ મળશે.
સૂત્રોના જણાવ્યા પ્રમાણે બિગ ફ્લિક્સ અને હુલુ ડોટ કોમ વચ્ચે સમજૂતી મુજબ બોલીવુડની સિલેક્ટેડ ફિલ્મો બિન નિવાસી ભારતીય અને એશિયનો હુલુ ડોટ કોમ પર મફત જોઈશે અને દર્શકો પાસેથી કોઈ ચાર્જ વસુલવામાં નહીં આવે. બિગ ફ્લિક્સ પર લગભગ બોલીવુડની 550 ફિલ્મો ઓનલાઈન ફ્રી માં નિહાળી શકાશે.
બિગ ફ્લિક્સ મેનેજમેન્ટના જણાવ્યા પ્રમાણે હુલુ ડોટ કોમ પર અમેરિકાના સૌથી વધુ લોકો વિઝિટ કરે છે. કંપની માત્ર ઈંટરનેટ પર ફિલ્મ નિહાળવા દરમિયાન રજૂ કરવામાં આવતી જાહેરાતોમાંથી મળતા નાણા જ લેશે અને બિન નિવાસી ભારતીયો અને એશિયનોને મફતમાં ફિલ્મો નિહાળવાનો મોકો આપશે.