ચાંદની બાર, પેજ-3, કોર્પોરેટ અને ટ્રાફિક સિગ્નલ જેવી હિટ અને સામાજિક ચિત્ર રજૂ કરતી ફિલ્મોના દિગ્દર્શક મધુર ભંડારકરની આગામી ફિલ્મ ‘જેલ’ રજૂ થવાની તૈયારીમાં છે. સૂત્રોના જણાવ્યા અનુસાર આ ફિલ્મમાં એક સીન દરમ્યાન નીલ અને મુગ્ધાએ થોડાં હોટ દ્રશ્યો ભજવવાના હતાં. જો કે મુગ્ધા માટે ઓનસ્ક્રીન લવ-મેકિંગ સીન પહેલી વારનો હતો.
જો કે ફિલ્મના દિગ્દર્શક મધુર ભંડારકર દ્વારા સીન વિશેની તમામ સમજૂતી આપી દેવામાં આવી હતી. પરંતુ જ્યારે સીન શૂટ કરવાના દિવસે મુગ્ધાના પગ એકદમ ઠંડા પડી ગયા અને એકદમ નર્વસ થઈ ગઈ.
મુગ્ધાએ કહ્યું હતું કે ત્યાર બાદ મેં અને નીલે એકબીજા સાથે વાતચીત કરી હતી અને નીલે મને આ સીન કરવા માટે યોગ્ય ટીપ્સ આપી મદદ કરી હતી.
અને ત્યાર બાદ અમે આ સીન શૂટ કરી શક્યાં. અને તેનું પરિણામ એ રહ્યું કે નર્વસ થનારી મુગ્ધાએ ત્યાર બાદ એક પણ રિટેક વિના સંપૂર્ણ સીન શૂટ કરી નાંખ્યો.
