શ્રીલંકન બ્યુટી ક્વીન જેકલિન ફર્નાન્ડિઝે ‘અલ્લાદ્દીન’ દ્વારા બોલિવૂડમાં ધમાકેદાર પ્રવેશ કર્યો છે ત્યારે કેટરીના કૈફ સાથે તેની થઈ રહેલી સરખામણીથી ત્રાસી ગઈ છે. તેણે જણાવ્યું હતું કે, મને કેટરીના કરતા ઐશ્વર્યા રાયના પગલે ચાલવાનું વધુ પસંદ પડશે. પત્રકારો સાથેની વાતમાં ફર્નાન્ડિઝે કહ્યું કે, " હું ઐશ્વર્યાની એકટિંગ જોઈને મોટી થઈ છું. તેણે જે રીતે પોતાની ફિલ્મી કારકિર્દીને સંભાળી છે તે પ્રશંસાને પાત્ર છે. તે ઈન્ડિયન સિનેમાનો ચહેરો છે. "

જેકલિનની આગામી ફિલ્મ ‘જાને કહા સે આયી હૈ’  છે જે રિતેષ દેશમુખ સાથે છે. આ ફિલ્મ ફેબ્રુઆરી ૨૦૧૦માં રિલીઝ થવાની છે. જો કે ‘અલ્લાદ્દીન’ નિષ્ફળ જતા તે થોડીક નિરાશ થઈ છે.