અભિનેત્રીઓ સહિત તમામ સ્ત્રીઓને પ્રેમ વિશે વાત કરવી સૌથી વધુ ગમે છે અને તેઓને ન ગમતી વાત છે પ્રેમભંગ. આ વાત આપણી  અભિનેત્રીઓ સારી રીતે જાણે છે. સતત મીડિયાની સાથે રહેતા હોવાથી તેમના પ્રેમ અને પ્રેમભંગની રજેરજની માહિતી મીડિયા પાસે હોય છે.આમ છતાં તેઓ મીડિયાને કોઈ વાતની જાણ નથી તેવી રીતે જ વર્તતા હોય છે.

એક મુલાકાતમાં દિયા મિર્ઝાને તેના ભૂતપૂર્વ પ્રેમી અંગે પત્રકારે પ્રશ્ન કરી દેતા દિયા છંછેડાઈ ગઈ હતી. જો કે તેણે દુઃખી ચહેરે વાત કરતા કહ્યું હતું કે, હું મારા ભૂતપૂર્વ પ્રેમીની સાથે કોઈ દિવસ મિત્રતા કરી શકું નહીં કારણ કે તેણે મને ખૂબ દુઃખ પહોંચાડયું છે. જો કે તેણે પોતાના ભૂતપૂર્વ પ્રેમીનું નામ લેવાનો ઈનકાર કરી દીધો હતો.