વલસાડ તા.૧૫

વલસાડ પુરવઠા તંત્ર દ્વારા ગત તા.૬-૧૦-૦૯ ના રોજ અટગામથી રૃા.૩૯,૪૮૦/- નો ગેરકાયદેસર રીતે સગેવગે કરાઇ રહેલ સરકારી અનાજનો જથ્થો ભરેલ ટેમ્પોને ઝડપી પાડવાના પ્રકરણમાં પત્રકારનો કાર્ડ લઇને ફરતા વલસાડના નામચીન વેપારી સહિત કુલ છ ઇસમો વિરૃધ્ધ વલસાડ રૃરલ પોલીસ સ્ટેશનમાં ફરિયાદ નોંધાવવામાં આવતા  સનસનાટી મચી ગઇ છે.

  જિલ્લા પુરવઠા અધિકારી શૈલેષ શાહ અને તેમની ટીમે ગત તા.૬-૧૦-૦૯ ના રોજ  ટેમ્પો નં.જી.જે.૧૫ એક્ષ-૪૬૫૬ માં સરકારી રાહત દરના ઘઉં ૫૦ કિલોના નેવું કટ્ટાં તથા અંત્યોદય યોજના હેઠળના ૨૧૦ બેગનો રૃા.૩૯,૪૮૦/- નો લોટ  વલસાડ તાલુકાના અટગામ ખાતેથી ઝડપી પાડયો હતો. ટેમ્પોમાલિક શૈલેષ મોહન પટેલ, રહે- અટગામ સોસા. ફળિયાની તપાસ દરમ્યાન તેણે આ જથ્થો દિનેશ ઉર્ફે ડુંગરશી ભાનુશાલી, રહે- છીપવાડ, વલસાડના કહેવાથી વલસાડના છીપવાડ સ્થિત સરકારી ગોડાઉનમાંથી ભરાવી ગુંદલાવ સ્થિત સ્વસ્તિક આટા મીલમાં લઇ જવા ડુંગરશી સાથે રૃા.૭૦૦/- ટેમ્પોભાડું મંજુર થયંું હોવાનંુ પણ કબુલ્યું હતું. જો કે, મોડું થઇ જતાં બીજે દિવસે સવારે માલ પહોંચાડીશ તેવા આશય સાથે ટેમ્પો ગુંદલાવને બદલે અટગામ તેના રહેઠાણે લઇ ગયો હોવાની કેફિયત વર્ણવી હતી.

 બીજે દિવસે તે અટગામથી ગુંદલાવ જવા નિકળ્યો હતો તે દરમ્યાન પુરવઠા વિભાગે તેને રસ્તામાં જ ઝડપી પાડયો હતો. પુરવઠા વિભાગે ગુંદલાવની સ્વસ્તિક ફુડ પ્રોડકટસ આટા મીલના માલિક ગૌતમલાલ ફતેહલાલ શાહ તેમજ  પોતાને પત્રકાર તરીકે ઓળખાવી કાર પર મોટા અક્ષરે ‘ઁિીજજ’ લખાવી ફરતા વલસાડના નામચીન વેપારી દિનેશ ઉર્ફે ડુંગરસી ભાનુશાલીની પુછપરછ કરતાં તેમણે ધંધામાં બદનામ કરવાના બદઇરાદાથી  નામ ખોટી રીતે લીધું હોવાનું જણાવી પોતાનો બચાવ કરવાનો પ્રયત્ન કર્યો હતો.