મુંબઈ
બૉલીવુડ અભિનેતા અજય દેવગન મુંબઈ સ્થિત પોતાનું ઘર છોડી કારજતમાં આવેલા ફાર્મ હાઉસમાં રહેવા ચાલ્યા ગયા છે. અજય દ્વારા ઘર છોડવા બાબતે જાણવા મળ્યું છે કે તેઓ પોતાની આગામી ફિલ્મ 'લંડન ડ્રીમ્સ' નું શૂટિંગ કરી રહ્યાં છે અને શૂટિંગનું સ્થળ તેમના ફાર્મ હાઉસની ખૂબ જ નજીક છે.
સૂત્રોના જણાવ્યા પ્રમાણે શૂટિંગ દરમિયાન અજય લાંબા અંતરની મુસાફરી કરવાનું ટાળે છે તથા શૂટિંગ પણ ઝડપથી પૂર્ણ કરવાનું હોવાથી ઘણા વ્યસ્ત રહે છે. તેમની આગામી ફિલ્મનું શૂટિંગ અત્યારે કારજત સ્થિત આવેલા એનડી સ્ટૂડિયોમાં ચાલી રહ્યું છે અને આ સ્થળ તેમના ફાર્મ હાઉસથી ખૂબ જ નજીક છે.
નોંધનીય છે કે ફિલ્મનું શૂટિંગ સમાપ્ત થઈ ગયા બાદ અજય ફરીવાર મુંબઈમાં આવેલા ઘરે રહેવા આવી જશે. 'લંડન ડ્રીમ્સ' માં અજયની સાથે સાથે સલમાન ખાન તથા અસિન નજર આવશે.